Os afectados polas preferentes serán un factor clave na campaña electoral
Este xoves volveron concentrarse diante das oficinas de NGB, desta vez na Coruña, e advirten que se "farán ver" nos actos políticos previos aos comicios do 21 de outubro, sobre todo os do PP. Un dos berros máis repetidos foi "Feijoo, o teu voto xa voou".
Inditex é expulsada do pacto contra o traballo escravo no Brasil
A multinacional galega pedía a inconstitucionalidade dunha lista negra de proveedores elaborada polo Goberno brasileiro, que o pasado ano xa investigara a empresa por 52 casos de infracción das normativas laborais brasileiras.
Anova decidirá este domingo como participará nas eleccións
A Permanente da formación decidiu a convocatoria da súa Coordinadora Nacional, que se celebrará en Santiago. Previamente, dende o xoves até o sábado, haberá asembleas locais e comarcais.
Cuac FM completou os trámites para optar ao concurso de licenzas
A emisora comunitaria presentará publicamente este xoves ao mediodía o recurso que interporá contra a convocatoria, que exclúe as radios non comerciais. Pola tarde organiza unha xornada de portas abertas para que a cidadanía coñeza mellor o seu traballo e os servizos que ofrece.
Un informe de UGT defende a viabilidade do AVE entre Galicia e Madrid
O sindicato calcula que se o tren capta o 50% dos viaxeiros que hoxe collen o avión para ir ou volver dende a capital do Estado, máis unha parte dos que hoxe o fan en autobús ou coche a liña de alta velocidade rozaría os tres millóns de pasaxeiros anuais.
Pídenlle a Louzán que explique por que se gastou máis do dobre do previsto nas obras de Pasarón
O custe final rolda os 16 millóns de euros, fronte aos 7 previstos inicialmente, o que xa motivou as críticas do Concello de Pontevedra. CC.OO. advirte de que co millón de euros que a Deputación gastará na inauguración do estadio se pagarían todas as pagas extra dos traballadores do ente provincial.
"Somos un país pesqueiro e debemos recibir o trato que como tal nos corresponde"
A eurodeputada Ana Miranda reclamou que a UE valore a pesca galega como un sector produtivo de primeiro nivel. Segundo o BNG, Damanaki concordou en que a pesca artesanal e o marisqueo deben quedar excluídos das cuotas de pesca transferibles.
O Financial Times acusa a Rajoy de evitar a petición de rescate para non prexudicar o PP
Nun duro editorial o xornal pídelle que tome exemplo do goberno portugués, do que di que está traballando en favor dos "intereses nacionais". Ademais, acusa a Rajoy de incrementar as tensións coas autonomías, seguindo os seus "instintos centralistas"
Ano II da Primavera árabe: o inevitable ‘peso da realidade’
Arredalia, o boletín da Rede de Antigos Alumnos en Prácticas do IGADI, dedica o seu terceiro número ás revolucións no norte de África e no Oriente Medio, con análises de Susana Maceiras e Roberto Mansilla ou entrevistas aos profesores Ignacio Gutiérrez de Terán e José Abu-Tarbush.
Mercadona consuma o engano: non aplicará o incremento do IVE pero xa subiu os prezos en agosto
Nos últimos dous meses, dende que o Goberno anunciou o novo tipo, a cadea de supermercados veu encarecendo os seus produtos entre 1 e 50 céntimos. Agora anuncia que non repercutirá o ascenso do imposto aos seus clientes, pero xa o fixo por anticipado.
Os partidos teñen até o venres que vén para formalizar coalicións electorais
Os prazos marcados pola lei para cada un dos trámites previos aos comicios son moi axustados e todas as formacións aceleran os seus procesos, sobre todo no caso daquelas que queiran presentarse conxuntamente con outros partidos.
La Región critica con dureza a Feijoo
Na súa portada fala de "lexislatura perdida" para Ourense e no seu editorial, titulado El anunciado final de Feijoo, o xornal acusa o presidente da Xunta de mentir e afirma que do seu mandato Galicia "sae moi mal parada". É un paso máis nunha liña, nos últimos meses, moi crítica.