Na cuarta edición do Foro da Industria Galega do Audiovisual (FIGA), a Academia Galega do Audiovisual programa en outubro e novembro tres talleres centrados en comunicación e promoción, desenvolvemento de audiencias e distribución, impartidos por profesionais de ampla experiencia no sector.
Este episodio da serie producida pola Fundación Praza Pública co apoio de 50 en Liberdade recupera a historia dos ateneos libertarios da Silva, das súas escolas laicas e da intensa actividade política e sindical que quedou no albo da represión tras o golpe do 36 contra persoas coma o canteiro anarquista José Boedo, pai de Pucho. Tamén da resistencia das mulleres como Maruxa Seijas
O segundo episodio da serie producida pola Fundación Praza Pública co apoio de 50 en Liberdade percorre a Casa Museo Casares Quiroga para abordar a súa traxectoria política e persoal, as consecuencias do golpe de 1936 e a represión que sufriu a súa familia. O capítulo conta con catro testemuños de persoas vencelladas á investigación histórica e á memoria da familia Casares: Xosé Alfeirán, Pilar Mera, Emilio Grandío e María Lopo
A conselleira de Vivenda insiste en rexeitar a intención do Concello de xestionar directamente os 3,6 millóns que lle corresponden dos fondos do Estado, acúsao de "irresponsable" por ter pisos municipais baleiros e pide que llos ceda porque a Administración autonómica “si que ten capacidade económica para a súa rehabilitación”.
O primeiro episodio da serie podcast, producida pola Fundación Praza Pública coa colaboración de 50 en Liberdade, mergúllase no labirinto urbano do barrio coruñés que antes do golpe concentraba a maior taxa de afiliación libertaria da cidade e despois virou en rede de resistencia fronte aos franquistas
O primeiro episodio, que bota a andar este 30 de setembro, aborda a resistencia antifascista e libertaria e a represión sufrida nas Atochas e Monte Alto tras o golpe de Estado de 1936. No inicio de cada capítulo Prado Rúa preséntanos in situ os espazos que imos coñecer nesta serie, producida pola Fundación Praza Pública coa colaboración do Comisionado para a Celebración dos 50 Anos de España en Liberdade
A empresa coruñesa celebra o seu 25 aniversario con case 200 traballadores e mantendo os seus principios fundacionais: promoción do software libre, estrutura non xerárquica e reivindicación de que se pode facer alta tecnoloxía dende Galicia. Falamos con Alberto García, un dos seus fundadores.
Os datos oficiais da Xunta amosan que nos primeiros 12 meses de aplicación da figura, os prezos medios baixaron un 1% na cidade, fronte a aumentos de ata o 9% nas restantes urbes. En cambio, o número de vivendas alugadas descendeu un 24%, fronte a caídas inferiores nas outras seis cidades
A caída de cascallos no CEIP de Prácticas da Coruña, a segunda vez en menos de dous anos, indigna ás familias que levan todo ese tempo mobilizadas por unha reforma integral que non chega ante as graves deficiencias do centro. Román Rodríguez promete iniciar en xuño as obras ante as protestas de nais e pais e pon prazo ao remate da actuación: no curso 2028/29.
A decisión, cos votos a favor de PSOE, BNG e PP, supón un paso fundamental para recuperar o inmoble para o patrimonio público, sete anos despois de que se iniciase o proceso.
O vertedoiro, que levaba dúas décadas acumulando residuos sen control ningún, derrubábase sobre O Portiño e o mar, matando un veciño e removendo a conciencia ecolóxica dunha cidade avergoñada. Greenpeace convoca a sociedade a "lembrar o acontecido e as leccións aprendidas" participando nunha recolleita e auditoría de residuos na praia da zona este sábado.
Foi detido na praza das Atochas cando se dirixía ao Concello e posteriormente fusilado no Campo da Rata. Este sábado foi homenaxeado 90 anos despois da súa execución coa inauguración dunha placa na súa memoria na praza das Atochas. A xornada de memoria democrática comezou nos xardíns de Méndez Núñez cunha ofrenda floral ante o busto do alcalde Alfredo Suárez Ferrín, tamén executado hai 90 anos.