"Este é o camiño: igualdade de oportunidades, garantía pola Administración e, a partir de aí, cultura do esforzo e tender cara á excelencia", insistiu o presidente Alfonso Rueda esta semana no Parlamento. O concepto da 'cultura do esforzo' reaparece cada certo tempo no discurso público. Asociado a ideas neoliberais no político e no económico, precisa sempre dun contexto para analizar o seu significado
O traballo de Rubem Centeno presenta probas de que os cadáveres de 250 fusilados ou paseados na comarca da Coruña -ata agora desaparecidos- foron soterrados en foxas comúns no cemiterio de San Amaro. Falamos con el sobre o proceso que levou a cabo nos últimos anos, que comezou pola procura do seu tío-avó. "O asasinato de 250 mozos da Coruña é algo que nos interpela como sociedade, temos que ser capaces de que a xente nova entenda que isto que pasou lles podía ter pasado a eles", di
O peso da poboación galegofalante cae de forma moi importante, especialmente nas dúas meirandes áreas urbanas do país. Na Coruña hai un 25% menos de galegofalantes que hai cinco anos e en Vigo o descenso é do 21%. As estatísticas debuxan unha Galicia partida en dous, con comarcas que roldan o 90% de falantes de galego e outras que roldan o 20%
A poboación que declara falar acotío "sempre" en castelán achégase ao 30% e a que o fai en galego cae por baixo do 24%, segundo os datos que vén de actualizar o IGE. As persoas que falan sempre ou máis en galego quedan nun 45% e as que optan sempre ou máis polo castelán chegan ao 52,94%
En cinco anos medou dez puntos a porcentaxe de nenos e nenas que non domina o idioma e descendeu nunha medida semellante a proporción dos que a usan a maior parte do tempo. O 85% do alumnado fala cos seus compañeiros e compañeiras "só en castelán" ou maioritariamente nesta lingua. Só ao 24% dos nenos e nenas entre 5 e 14 anos os seus pais e nais fálanlles "só en galego" ou "máis en galego que en castelán".
O martes 15 de outubro ás 10 horas todos os aparellos que nese momento se atopen nos termos municipais recibirán unha mensaxe acompañada dun son agudo e intenso e dunha vibración, mesmo se están en silencio. É unha proba do sistema ES-Alert, que serve para que os servizos de emerxencia envíen un aviso a través de ondas de radio, e que se ensaia en Galicia por segunda vez
A Xunta activa por cuarta vez unha emerxencia cinexética para controlar os danos da especie tras as autorizacións que xa dera en 2019, 2021 e 2023
"As infames accións sobre a poboación gazatí (e hoxe xa tamén a libanesa e a cisxordana) que día a día, informativo a informativo, coñecemos, causan tamén efectos perigosos sobre quen os estamos a observar", asegura o Movemento Galego da Saúde Mental nun comunicado
Entre as incidencias máis destacadas estiveron os cortes ferroviarios entre A Escravitude e Padrón, no Porriño e entre Redondela e Arcade, provocados pola caída de árbores ás vías. Ademais, en Porto do Son caeu unha das paredes do pavillón polideportivo do instituto da vila e en Outes, O Grove e Pontecesures suspendéronse as clases polos desperfectos provocados pola borrasca. Tamén foron frecuentes os atascos nos accesos ás grandes cidades.
A representación do persoal dos medios públicos galegos fai un chamamento para rachar con "esta perversa espiral" que, din, evitou que a primeira xornada de folga tivese apenas repercusión "na meirande parte dos medios privados"