O Ortegal convértese no segundo xeoparque galego, despois do Courel, e o 16º no Estado español. O proxecto estivo impulsado pola a Asociación para a Xestión do Xeoparque do Cabo Ortegal (AXCO), do que forman parte os concellos de Cariño, Cedeira, Cerdido, Moeche, Ortigueira, San Sadurniño e Valdoviño, e que conta co apoio económico da Área de Turismo da Deputación da Coruña.
Galicia perdeu poboación no primeiro trimestre do ano. Trátase dunha caída moi cativa (apenas 87 persoas) pero que converte Galicia na única comunidade, xunto con Estremadura, que perdeu habitantes. Porén, os datos son mellores que os do primeiro trimestre do pasado ano, cando a poboación caeu en 500 persoas, e os do primeiro trimestre do 2021, cando o descenso foi de case catro mil
Enfermeiras denuncian a súa "marxinación" a respecto do persoal do Sergas e lembran que levan anos sen cobrar compensación por traballar en festivos neste eido. O envío de doentes con problemas de saúde mental menores de 65 anos ás residencias de maiores ergue as críticas das traballadoras
"Vemos unha sociedade enferma con adolescentes que están sufrindo", asegura a presidenta da Sección de Psicoloxía educativa do Colexio Oficial de Psicoloxía de Galicia, Manuela del Palacio, que reivindica a necesidade de "pasar á acción" e incorporar a figura do psicólogo ou psicóloga educativa aos centros de secundaria
Dous cargos da empresa foron xulgados por non limpar a vexetación xunto a unha liña eléctrica que provocou un incendio en 2016 en Ribas de Sil, pero a xustiza absólveos logo de que outro compañeiro declarase que non tiñan esa competencia
Nove cidades e vilas acollen manifestacións da plataforma cidadá Queremos Galego que reivindica acadar unha "vida en galego" e pide a colaboración dos concellos para logralo
O proceso xudicial contra a empresa que xestiona o xacemento de volframio en Lousame iníciase logo dunha denuncia das confrarías de Noia e Portosín ante "a evidencia da contaminación".
A RAG destaca o "impacto extraordinario" que sobre rapazada, familias e profesorado tivo o proxecto desenvolvido en Ames con 3.000 nenos e nenas. Subliña a súa utilidade para facer "agromar a problemática" que sofre o idioma e colaborar en rachar cos marcos instalados en parte da sociedade tras a polémica implantación do decreto do plurilingüismo.