Acontece

Os desaloxos máis habituais seguen sendo en vivendas alugadas, con case un milleiro durante o pasado ano. En pisos hipotecados rexistráronse 164. En total, 1.127. Mentres, os novos casos de ocupación non chegaron ao cento

"É favorable que se asocie á especialización dos xulgados unha especialización dos e das profesionais destinados nos mesmos", destaca a xuíza de Lugo Sandra Piñeiro sobre a inminente creación desta especialidade xudicial en violencia de xénero, que "non resolve por si soa a carga de traballo dos Xulgados de Violencia sobre a Muller pero si dá máis estabilidade", como apunta a xuíza de Pontevedra Belén Rubido

Telefónica pechará durante este ano as máis de 500 centrais de cobre que lle quedan en Galicia e a maioría deixarán de funcionar o 19 de abril para dar paso á fibra óptica, cuxa instalación afronta problemas pola elevada dispersión e a falta de cobertura móbil nalgunhas zonas onde xa non hai teléfono fixo. 

Con participacións multitudinarias en Vigo e A Coruña, as cidades e vilas galegas volveron alzar a voz polos dereitos das mulleres nas concentracións e mobilizacións convocadas tanto pola mañá como pola tarde, cando saíron a meirande parte das marchas feministas desafiando o vento e a choiva, en moitos casos.

Unha cuarta parte do persoal médico pediátrico nos centros de saúde do Sergas ten asignados máis dos 1.000 pacientes pactados como "máximo" entre Estado e autonomías, segundo datos da Asociación Española de Pediatría de Atención Primaria

O feminismo é unha revolución permanente que ten que seguir poñendo o foco na igualdade efectiva no só no Día Internacional da Muller, senón todos e cada un dos días do ano. E unha revolución que precisa da implicación de toda a sociedade. Fillas de Cassandra, Arancha Nogueira, Isabel Garrido, Elba Souto, Inma Veiga, Ana Gayoso, Laura Camino Plaza, Ánxela Fernández Callís, Esther Estévez, Laura LaMontagne, Sara Seco, Andrea Maseda, Coral Piñeiro, Carlota Ducottet, Paula Jorge, Carmen del Río, Nicole Grueira e Cristina Incio del Río, dezanove mulleres menores de 35 anos do país, falan en primeira persoa sobre aquilo que descubriron grazas ao movemento feminista.

Virginijus Sinkevičius, comisario de Medio Ambiente, Océanos e Pesca, advirte tamén que os granulados "poden funcionar como vectores de transmisión de substancias tóxicas ou microorganismos patóxenos que puidesen ter absorbido", en resposta a unha pregunta parlamentaria do eurodeputado galego Nicolás González Casares. 

A folga en Vitrasa supera os cen días co transporte urbano de Vigo en servizos mínimos e unha situación límite tanto para a cidadanía como para o propio cadro de persoal. Este venres será clave para o conflito posto que os traballadores e traballadoras terán que vota a continuidade da folga indefinida.

"Estamos na zona cero para o turismo e decidimos prohibilo porque tiñamos un trasfego brutal de xente polo edificio. Non había a seguridade que calquera quere ter dentro da súa comunidade", conta a Praza.gal a vicepresidenta dunha comunidade de propietarios de Vigo que modificou os seus estatutos para impedir os alugueiros turísticos