Cáritas e Foessa presentaron o seu informe sobre o impacto social da crise xerada pola COVID. Reclaman que se manteñan as medidas de escudo social impulsadas nos últimos meses e se mellore a cobertura do Ingreso Mínimo Vital, se incremente o Salario Mínimo e se garanta o acceso á vivenda
O total de casos detectados rolda os 7.000 por xornada na media da última semana. Mentres, os rexistrados mediante PCR, proba actualmente reservada sobre todo a casos sintomáticos ou máis graves, descenden con claridade e son uns 1.200 diarios. As actuais 600 persoas hospitalizadas coa COVID son unha cifra semellante ao pico do outono de 2020. Daquela, antes da vacinación, a incidencia a 14 días roldaba os 300 casos por cada cen mil habitantes e agora son máis de 3.200
A alcaldesa da localidade responsabiliza dos catro falecementos, producidos nas últimas dúas semanas, ás demoras na chegada da ambulancia ou do persoal médico, que debe desprazarse dende Cangas dende o peche das urxencias en Moaña. Os dous concellos reclaman reforzos nos centros de saúde e a dotación dun terceiro vehículo medicalizado.
Ante a maior transmisión do virus pero con efectos máis leves e o éxito da vacinación, o Ministerio de Sanidade defende avanzar cara á "vella normalidade", deixando de contar caso por caso, eliminando corentenas e centrando os esforzos en tratar as enfermidades graves, o que suporía un alivio para Atención Primaria. Falamos cos profesores de Medicina Preventiva e Saúde Pública da USC Juan Gestal e Francisco Caamaño.
Os traballadores e traballadoras do Hospital da Coruña convocan unha manifestación este xoves 20 de xaneiro dende a Casa do Mar ata o Obelisco baixo o lema "sen persoal non hai Sanidade". Critican que o Sergas "continúa facendo oídos xordos ante o evidente deterioro da atención na nosa área sanitaria"
Falamos con Jesús Sueiro, voceiro da Asociación Galega de Medicina Familiar e Comunitaria, sobre a saturación dos centros de saúde, as medidas adoptadas pola Xunta e as solucións propostas pola asociación para solucionar os actuais problemas
Este domingo mantéñense as tendencias dos últimos días, cun gran número de casos detectados (7.838), estabilidade nas UCI (54 camas ocupadas) e incremento das persoas ingresadas noutras unidades hospitalarias cunha proba positiva de COVID (515) aínda que non necesariamente cunha enfermidade derivada do virus
A situación de saturación que sofre a Atención Primaria na comarca obrigou á Mancomunidade Intermunicipal do Baixo Miño convocar mobilizacións para "denunciar a situación de precariedade e o continuo desmantelamento da sanidade pública nos nosos concellos" Falamos con Álvaro Lamas, médico de Familia no Centro de Saúde da Guarda.
Os profesionais da sanidade pública alertan de que a falta de recursos na atención á saúde mental ten consecuencias visibles como unha lista de espera dun ano para unha consulta nunha unidade de atención infanto-xuvenil. "Isto é como non atendelos", advirte un psicólogo clínico, que expón que "quen ten medios recorre á sanidade privada e quen non os ten pode quedar sen atención″