Acontece

Dende o pasado 5 de decembro Santiago pasou dunha incidencia acumulada de 75 casos a case 110 e Ourense medrou de 94 a 124. O resto das cidades galegas mantén unha tendencia de descenso, aínda que freada nos últimos días.

A porcentaxe de probas positivas mantense por debaixo do 5%, pero o descenso da incidencia da enfermidade e da ocupación das UCI prodúcese de forma moi lenta. As Pontes e Boiro son as vilas cunha situación máis preocupante. Ourense e Compostela incrementaron as súas cifras de novas infeccións dende o relaxamento das restricións

Nos meses de setembro e outubro os niveis de dióxido de nitróxeno caeron un 42% na Coruña e un 31% en Vigo, fronte aos descensos próximos ao 60% que se produciran en marzo e abril. Ecoloxistas en Acción chama a repensar a mobilidade nas cidades e pide investimentos no transporte público e unha aposta polas peonalizacións e o uso da bicicleta.

Este venres detectáronse 301 novos positivos por PCR, unha cifra semellante á dos últimos días e que amosa un freo na recuperación das últimas semanas. Con todo, a porcentaxe de probas positivas mantense por debaixo do 5% e segue a descender o número de camas hospitalarias ocupadas

A Xunta alivia tamén as medidas de prevención en vilas como Marín, Poio, Narón, O Porriño, Ribadavia, Xinzo de Limia e, pola contra, enduréceas en Sarreaus, A Rúa, Camariñas, Zas, Tomiño e O Rosal. A cidade da Coruña mantén as actuais limitacións á mobilidade.

A maior parte dos indicadores da pandemia melloran cando estamos a menos de dúas semanas das festas de Nadal. Con todo, seguen a rexistrarse case 300 novos positivos cada día. As camas de UCI ocupadas baixan de 62 a 51 na última semana, especialmente nas áreas sanitarias da Coruña, Ourense e Ferrol

STEG e CIG-Ensino piden a modificación da norma, que supón a extinción do profesorado técnico de Formación Profesional e que podería levar á extición ou á "mingua de dereitos" daqueles mestres e mestras que non conten coa titulación esixida para as súas especialidades

A estatística recolle 719 falecementos de persoas ás que se lles detectou a presenza do coronavirus ou das que se sospeita que morreron despois de contraer esta enfermidade. As cifras achegadas ata agora polo SERGAS e o Ministerio de Sanidade limitaban a 616 as defuncións ligadas ao virus en Galicia.

Sanidade suma 287 novos casos do coronavirus. Os cribados elevan a ata case as 8.000 as probas PCR realizadas en vinte e catro horas e fan caer as taxas de positividade do mércores ata a contorna do 2%. A positividade media en Galicia baixa do 5% por primeira vez dende comezos de outubro. O número total de persoas hospitalizadas con test positivo continúa estancado un chisco por baixo das 400