O Goberno galego tamén endurece as restricións en Verín e na comarca de Celanova. Todas as novas medidas estarán en vigor dende as cero horas do xoves, 15 de outubro
A Universidade de Vigo levou a cabo 2.300 tests entre o seus traballadores e traballadoras e comezará nos vindeiros días unha serie de 200 PCR aleatorias cada semana entre os seus alumnos e alumnas
Nais e pais do alumnado de 1º de Bacharelato do IES Antonio Fraguas envían unha carta ao conselleiro de Educación para reclamar os seis docentes que a Xunta denegou no verán. Denuncian que as eivas no funcionamento da semipresencialidade supoñen un agravio comparativo para os seus fillos e fillas con respecto ao resto de estudantes
Falecen catro persoas máis coa COVID-19, todas elas residentes en centros de maiores da provincia de Ourense. O número de casos activos regresa a niveis de principios de setembro e a cifra de persoas hospitalizadas é a maior da segunda vaga
Na última semana, a porcentaxe de probas positivas de coronavirus en Ourense creceu do 9,5% ao 11,16%, pero tamén o fixo no resto de áreas sanitarias galegas, sobre todo en Santiago.
A vila suma 74 casos, o que equivale a unha incidencia acumulada de 540 casos por cada 100.000 habitantes. O Goberno municipal e os locais chegaron a esta decisión "cun amplo consenso" ante o incremento dos contaxios nos últimos días.
Cun 10% da poboación galega, a área sanitaria ourensá acumula 79 dos 237 positivos de covid ingresados. O efecto da fin de semana leva a unha redución dos novos positivos detectados nas últimas 24 horas, pero o número de casos activos medra na maior parte de Galicia.
Galicia rexistra 313 novos positivos en vinte e catro horas e o Sergas informa de catro novos falecementos, un deles dun home de 59 anos. O dato galego é duns 75 casos novos por cada 100.000 habitantes na última semana mentres o de Ourense se aproxima aos 300
Máis da metade dos máis de 400 novos casos de cada un dos últimos dous días son da área sanitaria de Ourense, na que o 22% das probas PCR están a dar positivo e onde o brote da residencia Os Gozos é xa, con 153 persoas usuarias infectadas, o maior de Galicia nun destes centros. Catro novas mortes elevan o total a 780.
No conxunto da poboación a televisión foi o soporte máis empregado, por diante dos xornais online, segundo o estudo postelectoral do CIS. A moita distancia apareceron a prensa impresa, as redes sociais e a radio.
A nova web de datos da Covid presentada este venres polo Sergas mellora moito a situación anterior, na que o Goberno galego case non proporcionaba información pública. Porén, a falta de formatos abertos e a ausencia de datos por concellos, ademais doutros indicadores que outras comunidades si ofrecen afastan a Galicia da necesaria transparencia