Acontece

Todos os principais indicadores da pandemia están en liña claramente descendente, pero aínda por riba das cifras previas á segunda 'desescalada', a da ponte da Constitución. Os 289 casos novos que suma o Sergas este domingo son a menor cifra en vinte e catro horas dende o 27 de decembro e os concellos con máis de 500 casos novos por cen mil habitantes a catorce días xa son apenas vinte

O 45% dos positivos e o 37% das mortes de persoas coa COVID-19 en Galicia rexistráronse dende o 24 de decembro. O Sergas suma 417 novos casos e o total de persoas hospitalizadas baixa de 800 por primeira vez dende finais de xaneiro mentres o ritmo de baixada da incidencia acumulada tende a estancarse

Galicia recibiu ata agora un número de doses por habitante moi inferior á media española ao contar con menos prazas residenciais e persoal sanitario. Porén, a Consellaría de Sanidade informa de que o primeiro envío de marzo será moi superior, atendendo á maior proporción de poboación maior. A Xunta quere vacinar 30.000 persoas de máis de 80 anos á semana. 

Tras unha caída sen precedentes, a incidencia acumulada a 14 días baixa dos 300 casos novos por cada cen mil habitantes; antes do Nadal era inferior a 190. As UCI experimentan os primeiros descensos significativos de pacientes coa COVID e rexistran 169 ingresos, menos que no pico da primeira vaga por primeira vez dende finais de xaneiro

Nos últimos sete días diagnosticáronse 34 novos casos de Covid-19 nas residencias galegas de maiores e de atención á discapacidade. Trátase da cifra máis baixa dende setembro e amosa que a mellora nestes centros, onde todos os seus usuarios e persoal recibiron xa a segunda dose da vacina, está a ser moito máis rápida que no conxunto do país

Sanidade sinalou por non enviar a relación de profesionais dos servizos de atención ao fogar a varios municipios que xa os remitiran e logo de que o PP denunciase a situación en varios plenos. A Fegamp denuncia que eses "erros informativos" crearon "confusión e tensións" nas localidades. 

A incidencia a 14 días rolda os 329 casos novos por cada cen mil habitantes; antes do Nadal estaba en torno a 165. Apenas 40 concellos superan os 500 casos neste indicador e ningún deles é xa unha das sete cidades. As 863 persoas ingresadas con test positivo supoñen a menor cifra nun mes, pero aínda por riba do máximo na segunda vaga. Xa morreron 2.147 persoas que contraeran a doenza

O tribunal rexeita a demanda a Asociación Provincial de Empresarios de Hostalería da Coruña, que solicitaba medidas cautelares urxentes ante as restricións. Os xuíces non entran no fondo da demanda (a legalidade do peche) e ordenan abrir unha peza separada e tramitar a cuestión de forma ordinaria

O Consello de Ministros remitiu ao Congreso a lista de inmobles e espazos rexistrados pola Igrexa nese período, entre os que o 20% son galegos. A publicación abre a porta á recuperación da propiedade por parte de administracións e particulares, aínda que a través dun proceso moi complexo

Sanidade asegura que a residencia Vila do Conde non lle notificou ata os días 12 e 15 de febreiro estas cinco mortes acontecidas entre finais de novembro e principios de decembro. A residencia Paz y Bien de Tui notificou con varias semanas de atraso o falecemento de tres residentes que morreran no centro despois de que fose intervido pola Xunta tras un forte gromo do coronavirus