Acontece

Desde este luns, bares e restaurantes poderán servir no interior e as grandes superficies comerciais e os cines reabren con limitacións. As praias volven permitir bañistas e desaparecen as franxas horarias para paseos e deporte

Nas últimas vinte e catro horas rexistráronse en Galicia só 7 novos diagnósticos da covid-19, aos que se une o reporte de 11 positivos en test de anticorpos. O Sergas dá conta dun único falecemento e o total chega ás 613 persoas, 271 delas residentes en centros de maiores e dependentes. Nesta xornada houbo só unha nova hospitalización e foi nunha UCI

Ourense deixa de ser case dous meses despois a área sanitaria con maior incidencia, adiantada por Vigo, e todas elas seguen á baixa canto a casos activos

A nova norma do Goberno central permite aos municipios "establecer limitacións" no número de bañistas e nas horas de estadía. O Ministerio de Sanidade elimina os límites de acompañantes nos paseos de adultos coa rapazada.

Dende hai dous meses só se pode cruzar pola ponte entre Tui e Valença, permanecendo pechados o resto, o que provoca longas esperas e obriga a moitas persoas a dar longos rodeos para poder traballar.

A Consellaría de Educación presentou un Programa de transformación á docencia innovadora co obxectivo de que no curso 2021/2022 a maioría dos graos sexan semipresenciais, impartíndose a docencia teórica de forma online.

O Ministerio de Sanidade vén de concluír a revisión da serie histórica da covid-19 tras a introdución de curacións sen referencia temporal por parte da Xunta, que xa confirmou que non contempla publicar unha serie completa e segue sen ofrecer datos en formato aberto. A revisión da serie histórica por parte do Ministerio recolocou no tempo uns 3.000 positivos de coronavirus en Galicia