Acontece

O protocolo enviado por Sanidade hai dúas semanas coas indicacións para a reapertura incluía un amplo capítulo para os centros de día; tras o anuncio de Feijóo sobre o peche ata setembro, Política Social remíteos a unha versión diferente do documento que non inclúe mención ningunha a estes centros. Centros de día como o de Verín afirman que souberon polos medios de comunicación da decisión de non reabrir ata setembro, mentres a Xunta asegura que se dispón a aprobar axudas que compensen o peche ás familias e ás empresas propietarias de instalacións coma estas

Tanto os datos no Ministerio de Sanidade coma os do Sergas amosan que continúa a melloría dos datos galegos, sen novos focos ou rebrotes a pesar da recuperación da actividade. Só se detectaron 15 casos cuxos síntomas comezaran nos últimos 14 días, e apenas 3 casos con síntomas iniciados nos últimos 7 días

Case todos os pasos fronteirizos na raia continúan pechados, o que está a provocar un gran prexuízo económico e comercial nas localidades dunha e doutra beira. A partir do luns poderase cruzar tamén a través de Calvos de Randín. Na rolda de prensa conxunta, o alcalde de Valença subliñou que “Portugal non é só Lisboa e España non é só Madrid"

Os albergues instalados durante dous meses en pavillóns deportivos de toda Galicia comezan a pechar, unha vez relaxadas as normas de confinamento. Porén, varias localidades achegan alternativas de aloxamento ou itinerarios de inclusión para as persoas que pasaron por estas instalacións

O persoal das residencias e outros centros de Política Social interpretou a limitación das vacacións como "a pinga que colma o vaso" tras o "gran esforzo" que están a realizar durante a crise do coronavirus. As centrais sindicais advirten de que a mobilización ten motivos máis amplos e se resume na reclamación dunha "aposta decidida por uns servizos sociais públicos, dignos, de calidade"

O Ministerio de Sanidade indica que, dos 85 casos novos diagnosticados en Galicia nas últimas dúas semanas, apenas 14 tiveron inicio de síntomas neses últimos catorce días e só tres, na última semana. O número de "positivos activos" que indica o Sergas baixa en 24 casos e queda en 799 e a cifra de persoas que reporta como "curadas" aumenta en 51, ata as 9.849. A Xunta tamén dá conta de 14 positivos activos máis na área de Vigo, pero a ausencia dunha serie histórica completa do Sergas impide coñecer a súa referencia temporal

O coronavirus supuxo só o último dunha longa serie de atrasos e mudanzas dun edificio rematado en decembro cuxo custo pasou de 24 a 27 millóns malia ver recortadas as súas habitacións de 80 a 60

No mes pasado rexistráronse 336 chamadas ao número de información e asesoramento xurídico sobre violencia machista, fronte ás 194 do mesmo mes do pasado ano. O número de chamadas realizadas directamente polas mulleres afectadas por esta violencia practicamente se duplicou.

A iniciativa, de ámbito estatal, será levada pola Asociación Galega de Consumidores e Usuarios e podería presentarse no outono. Acusan á compañía de incumprir as condicións previstas nos contratos, con eivas no servizo que poderían ter incrementado os contaxios. Algunha das 30 residencias de DomusVi en Galicia tiveron as maiores cifras de infectados e mortes.

Na última semana abrollaron 89 novos diagnósticos da covid-19, cifra que contrasta cos máis de 500 que chegaron a rexistrarse nun só día durante o pico da pandemia. O número de persoas na UCI con test positivo de coronavirus queda en 5, o máis baixo dende o 12 de marzo. O Ministerio de Sanidade segue a "corrixir a serie histórica", que no caso galego é a única dispoñible ante a ausencia dunha do Sergas.