Acontece

Cada mes, as socias e socios de Praza.gal poderán descargar do seu espazo no xornal un novo número de TEMAS. No primeiro número abordamos a fin do carbón e as súas repercusións en Galicia

Veciñanza maniféstase en Fisterra "contra os recortes en pediatría" ao quedar sen o especialista durante o seu período de vacacións. A doutora que atendía en Cee e Corcubión foi contratada polo Sergas para Verín. 

O 31 de xaneiro de 1820 nacía en Ferrol Concepción Arenal. Este venres celébrase o bicentenario da autora e activista galega con actos en varias cidades organizados por concellos, universidade e entidades sociais, como o Colexio de Traballo Social, que reivindica o seu legado. Falamos coa presidenta das organizacións colexiais españolas

Varios centos de persoas manifestáronse este martes convocadas pola plataforma Tren Digno Ourense, rexeitando a solución escollida para a construción da estación intermodal. Anúncianse novas mobilizacións e pídenlles a Concello, Xunta e Fomento que escoiten "o criterio técnico"

O Goberno galego asegura que a partir do luns 3 de febreiro se poderán retomar as clases nunha instalacións provisionais. Porén, as familias e o Concello esixen que se dea unha solución definitiva ás deficiencias do centro, como recomendan tamén os informes técnicos

Plataforma e Ministerio Público presentan recurso despois de que o xuíz desestimase o de reforma presentado polos afectados e insisten en que hai indicios dabondo para que se abra xuízo oral. 

Tanto Galicia coma a Rexión Norte de Portugal perden poboación e sofren un importante envellecemento, cun despoboamento que afecta sobre todo ás zonas rurais. O informe, publicado este martes, pide reflexión e medidas correctoras e alerta dos efectos sobre a economía e tamén sobre o territorio, incluído o maior risco de incendios forestais

Profesionais recoñecen o maior "control" por parte da Corporación das informacións que afectan directamente a Xunta, onde denuncian o "veto" ao parecer da oposición ou da veciñanza. 

Philip Alston, experto en dereitos humanos das Nacións Unidas, percorrerá España nas dúas vindeiras semanas. Este martes manterá encontros en Compostela, Silleda e Monfero, facendo fincapé no estado das persoas pobres ou con discapacidades do ámbito rural.

A intensidade da doenza mantén a cualificación de "baixa", pero mantense á alza. Os ingresos hospitalarios pola enfermidade achéganse aos 500, dos que a metade foron xa dados de alta. Dos 351 casos que tiñan indicada a vacina, 206 non estaban vacinados.