Acontece

O Día do Orgullo LGBT+ vén marcado neste 2025 polas alertas ante os discursos de odio, mais tamén polo vixésimo aniversario da reforma legal para o matrimonio igualitario. Ata o remate de 2024 un total de 2.380 parellas de dúas mulleres ou dous homes casaron en Galicia nun contexto ben afastado dos escenarios catastrofistas advertidos hai dúas décadas polas manifestacións contrarias a este dereito

A Consellería xustifica a privatización porque "na área sanitaria de Lugo non se dispón dos recursos propios suficientes". Profesionais da Asociación de Técnicos Superiores Sanitarios de Galicia aseguran que "agora mesmo non hai recursos suficientes en ningún centro hospitalario de Galicia" porque "a Xunta non fixo unha previsión das necesidades" e "as listas de contratación levan 15 anos paradas"

Un cuarto dos mozos e mozas consultados nunha enquisa para o Ministerio de Sanidade asegura que rifou con outras persoas por mor destes medios de comunicación social e que se sentiu insatisfeito por non poder usalos máis. Máis dun terzo asumen que intentaron reducir o seu uso pero non foron quen. 

O novo edificio de viaxeiros da terminal ferroviaria compostelá entra en servizo mentres a coordinación de horarios de tren e bus segue pendente. A alcaldesa reivindica o remate da infraestrutura co novo aparcadoiro, de 900 prazas, e nunha "xornada histórica" aposta por "completala" co "impulso ao servizo de tren de proximidade"

Malia que as toneladas de desperdicios nas praias seguen a baixar —13 menos que o ano pasado e cinco veces menos que hai unha década—, a alcaldesa, Inés Rey, advirte de futuras actuacións para evitar "unha imaxe que non casa coa cidade que construímos: amable e respectuosa co medio ambiente".

En Galicia as denuncias por violencia machista incrementáronse un 9,5% nos primeiros tres meses do ano, sendo nos que estatisticamente se producen menos denuncias. Na provincia da Coruña o Poder Xudicial contabiliza 758 vítimas da violencia de xénero entre xaneiro e marzo, 571 en Pontevedra, 205 en Lugo e 153 en Ourense

Un terzo da poboación galega respirou aire contaminado e por riba dos novos límites legais en 2024 malia a mellora na súa calidade. Un informe de Ecoloxistas en Acción sinala o fracaso das zonas de baixas emisións nas cidades, agás o éxito de Pontevedra: sen implantar no resto e "ineficaz" na Coruña.

O pasado verán Xanceda lanzou dúas variedades propias de kombucha, o fermentado de té de orixe chinesa tan de moda nos últimos anos en todo o planeta. Chamoulle kombuxa e a arriscada aposta foi todo un éxito e que amosa unha vez máis a capacidade de innovación das granxas do país.

O sindicato SLTA critica que o aumento do gasto das administracións nos contratos de emerxencias aéreas acaba en maiores beneficios das empresas sen melloras para o persoal, como din que sucede en Avincis, antiga Inaer-Babcock

A norma galega, que concede aos concellos a competencia para outorgar o permiso para a actividade dos Vehículos de Transporte con Condutor (VTC), prevé duras sancións para os condutores que a exerzan sen esta licenza. Os dous gobernos locais confirman que a multinacional está a actuar sen o seu consentimento e que as súas ordenanzas de mobilidade tampouco prevén de momento a súa concesión.