Acontece

O TSXG di que "as oportunidades ou expectativas para o enfermo serían outras" se en lugar dunha administrativa fose un médico quen valorase a situación do paciente

O STEG reuniuse no Parlamento con representantes das dúas forzas da oposición, que se comprometeron a presentar emendas de cara a aplicar o acordo de 1995 entre a Consellaría de Educación e os sindicatos, que garantía que aquel persoal docente que traballara cando menos cinco meses e medio durante o curso debería continuar o seu contrato en xullo e os días correspondentes do mes de agosto.

Chuvias de ata 500 litros por metro cadrado provocan múltiplos desbordamentos e unha situación caótica mentres as vítimas mortais superan as 60. Un elevado número de persoas pasaron horas refuxiadas en teitos de edificios ou vehículos á espera de seren rescatadas. A Xunta ofrece ás autoridades valencianas "toda a axuda que precisen" e comeza a concretala co envío dun helicóptero, un dos medios máis demandados na contorna ante a imposibilidade de desprazamentos terrestres

A iniciativa "Eu son inspect@r urbanístic@. Coida do territorio. Coida do teu", con 30 actividades en centros de ensino, busca aproximar ao alumnado galego a súa realidade territorial, o valor da paisaxe e do patrimonio construído, o cambio climático, a pegada ecolóxica ou os instrumentos de ordenación do territorio e planeamento urbanístico.

A Xunta volve optar por non aparecer na 'foto' da memoria histórica e dous conselleiros limítanse a asinar dixitalmente a transferencia dos fondos do Estado para que o equipo liderado polo grupo de investigación Histagra da USC asuma todos os traballos. No cemiterio naronés do Val volverán traballar nunha "das fosas máis grandes de Galicia", onde os golpistas perpetraron "un dos maiores asasinatos colectivos dos que se ten constancia" no noso país

Nas últimas semanas colectivos de inquilinos propoñen unha posible folga de alugueiros. Ao longo da historia hai numerosos exemplos de accións semellantes ante dificultades de acceso á vivenda. Un deles, en Santiago en 1979, cando a cidade acollía 26.000 estudantes universitarios, que ante a carencia de residencias públicas e as limitadas prazas en colexios maiores privados, vivían sobre todo en pisos alugados no Ensanche, con prezos moi elevados e moi malas condicións

Cunha axenda só ocupada por unha hora e media ao día de clases de castelán, a Agrupación Deportiva Fontiñas tenta manter activos a migrantes acollidos nun antigo colexio das aforas, que desexarían máis actividades e comida

Unha manifestación convocada pola Plataforma Galega en Defensa do Ensino Público percorreu as rúas de Santiago para protestar contra os "recortes", chamando a atención especialmente contra a falta de especialistas para a atención á diversidade nos colexios de infantil e primaria

O Colexio Oficial de Ópticos Optometristas de Galicia alerta do incremento de casos nas persoas de menos de 25 anos e tamén do aumento dos casos máis graves (superiores a seis dioptrías), que poden derivar en patoloxías de maior importancia. Recomendan pasar máis tempo ao aire libre e usar menos os dispositivos electrónicos, especialmente móbiles e tablets.

CIG-Ensino denuncia que a Xunta mantén en 30.424 a cifra de persoal docente nos orzamentos para 2025, a mesma cantidade xa existente dende o 2022. O sindicato alerta de que o orzamento en Educación é un 7% inferior ao de 2009 en termos reais. Este sábado a Plataforma Galega en Defensa do Ensino Público convoca en Santiago unha manifestación "contra os recortes e pola dotación do persoal necesario que demandan os centros educativos"