Ducias de persoas concéntranse ante o CHUO nunha mobilización á que acudiu a portavoz nacional do BNG, Ana Pontón, que denuncia que "en pleno século XXI as ourensás teñan que parir en condicións terceiromundistas".
A misión francesa Nodssum pecha a súa primeira expedición oceánica tras cartografar 3.355 barrís con refugallos nucleares a uns 650 quilómetros das costas da Coruña. Tras non detectaren "radioactividade moi significativa" sobre o terreo, o equipo disponse a abordar "medicións detalladas" no laboratorio de 5.000 litros de auga, 345 mostras dos fondos e 34 peixes e moluscos para obter un "diagnóstico máis fiable" sobre o eventual "espallamento" dos vertidos
A conselleira de Política Social, Fabiola García, afirmou este xoves que Galicia non ten na actualidade nin unha soa praza dispoñible para acoller menores estranxeiros non acompañados que neste momento se atopan noutras comunidades autónomas. O Colexio de Psicoloxía amosa a súa "fonda preocupación" pola "situación crítica" do sistema, da que culpa á "escasa vontade política e institucional" da Xunta.
O TSXG sentencia que a contaminación no encoro das Conchas é produto da "inactividade" do Goberno galego e da Confederación Miño-Sil, obrígaas a "garantir o abastecemento de auga potable limpa". Impón unha "moratoria para novas licenzas" de "explotacións de porcino, vacún ou avícola" ou para "ampliar a capacidade das existentes na comarca", cando menos "ata que a degradación ambiental se reverta"
"Parir con respecto non é un luxo, é un dereito", "parir con dignidade na nosa cidade", "queremos parir sen ter medo a vir!" ou "queremos parir sen ter que fuxir" son algúns dos lemas que escribiron nas súas pancartas as manifestantes, que reclamaron "información" e "probas" á xerencia da área sanitaria de que non se van vulnerar os seus dereitos
Xesús Díaz, ex-secretario xeral de CC.OO-Galicia, morreu esta tarde aos 81 anos de idade. A súa filla Yolanda Díaz sempre o puxo como un referente persoal e político: "a democracia apréndese na casa e aí a aprendín eu". Mesmo despois da súa xubilación mantívose vencellado a numerosas iniciativas sociais e políticas.
Persoal do servizo de partos do hospital de Ourense recolle nun informe eivas que "comprometen de maneira significativa a calidade da atención obstétrica, a seguridade clínica de mulleres e neonatos e os dereitos fundamentais das mulleres durante o parto". Ante o inminente traslado do Materno Infantil durante as obras, tras decidir prescindir do edificio polas derrubas, a dirección do hospital pídelle aos sanitarios "que calmen os ánimos" da poboación. Este martes está convocada unha concentración de embarazadas
As estimacións do sistema de Vixilancia da Mortalidade diaria (MoMo) xestionado polo Instituto de Saúde Carlos III (ISCIII) subliñan o impacto que as altas temperatura teñen para a saúde, sobre todo para as persoas de idade avanzada e especialmente en Galicia, que lidera as defincións ligadas a esta causa.
Felisa Nchama Alogo Abuy chegou a Madrid dende Guinea sendo unha nena con Aldeas Infantís a causa da súa perda de visión. Hai 15 anos pasou a vivir cunha familia de acollida en Ourense e aquí se graduou en Dereito. Este ano tomou posesión como funcionaria do grupo A na Xunta tras sacar a nota máis alta á primeira
Ángeles Vázquez referiuse á "visión nacional" de conxunto realizada polo Ministerio na súa valoración sobre a situación do lobo. “Igual que hai outras especies en Andalucía ou en Castela-A Mancha que non hai en Galicia, aquí temos o lobo. E se queren implantalo noutras comunidades autónomas, nós brindámonos a facer capturas”, dixo