O Visor dos Sistemas Municipais de Abastecemento de Auga de Galicia non foi posto en marcha pola Xunta, senón que é unha realidade grazas ao Grupo de Dereito á Auga de Enxeñería Sen Fronteiras. De momento, só a metade dos concellos achegaron información: a xestión da auga é pública en 77, mentres que en 68 está privatizada mediante concesión e noutros 8 é mixta.
Foron 3.958 os asuntos tratados pola Valedora, fronte aos 3.936 do ano anterior e aos 2.912 do ano 2020. Entre os asuntos que afectan directamente á Xunta, son os relacionados coa Consellaría de Sanidade os máis habituais, cun total de 699, case a metade (47%) de todos os ligados ao Goberno galego
Entre xoves e sábado arderon 3.046 hectáreas entre Trabada (2.326), Foz (234), Vilariño de Conso (213), Lobeira (111), Chantada (89) e Avión (73), fronte ás 2.596,5 hectáreas queimadas entre xaneiro e os primeiros días de outubro. En Trabada o lume arrasou o 15% da superficie deste concello e converteuse no incendio máis destrutivo do ano e un dos peores na Mariña nas últimas décadas.
O SLG demanda á Xunta que "asuma as súas responsabilidades" e alerta de que a velutina constitúe "un grave perigo para a saúde das persoas debido á elevada presenza de niños". O sindicato advirte de que esta especie invasora provoca "unha merma importante na produción de alimentos, afectando gravemente á produción apícola, de froita e de viño"
Son xa dez cursos do programa “experimental” E-Dixgal, con milleiros de portátiles repartidos e toda unha revolución no xeito de dar as clases xamais avaliada pola Administración. Moitas horas de pantalla e uns contidos ríxidos e pouco atractivos impostos desde Santiago son as principais eivas sinaladas polo profesorado, que percibe certo empeoramento na comprensión lectora e expresión escrita do alumnado.
Un estudo desenvolvido polo profesor da USC Javier Fernández Castroagudín afonda na participación na contenda de emigrantes galegos nos Estados Unidos. Uns 19.000 homes con orixe no Estado español foron rexistrados a través da Selective Training and Service Act e unha boa parte foron finalmente alistados. Ao redor do 30% eran de orixe galega
CCOO, CIG e SNEP reclaman "salarios dignos" para un persoal que está "entre o máis precarizado do noso país" e que apenas cobra o SMI. As catro xornadas de paros -19 e 25 de outubro e 8 e 15 de novembro- estan acompañadas de mobilizacións este xoves en Vigo e A Coruña.
O lume, declarado contra o mediodía deste xoves, obrigou a desaloxar vivendas e foi empurrado polo vento cara ao norte ata obrigar a cortar a Autovía do Cantábrico. No que ía de ano, segundo os datos divulgados pola Xunta, todos os incendios rexistrados sumaban apenas 2.600 hectáreas, o mesmo que ardeu nos últimos tres días
Nos nove primeiros meses do ano chegaron a Santiago 378.914 peregrinos e peregrinas, fronte ás 370.985 do mesmo período do ano 2022 e en setembro superouse o récord histórico neste mes. O presidente da Xunta, Alfonso Rueda, destaca que a cifra podería ser mesmo superior, xa que un 30% das persoas que realizan o Camiño non recollen a Compostela.
O Ministerio de Igualdade e as Comunidades Autónomas deseñaron ferramentas pensadas para dar resposta a casos moi particulares, pero os expertos propoñen unha mirada máis estrutural. "A situación é de emerxencia e as cifras son moi graves", recoñece a secretaria de Estado de Igualdade, Ángela Rodríguez