Acontece

As primeiras sentenzas xudiciais dan a razón á sociedade semipública a pesar de que as veciñas e veciños asinaran legalmente un contrato de alugueiro e pagaban todos os meses a renda a outras entidades, descoñecendo que estas quebraran e os seus activos foran adquiridos polo banco malo. A alcaldesa de Cambre manterá este xoves unha sentenza con representantes da Sareb para buscar unha solución

A estatística publicada por Eurostat amosa que o número de durmidas nos pisos turísticos galegos pasou de 2,4 millóns no ano 2021 a 4,6 millóns no ano 2023, practicamente o dobre. Entre as 252 rexións que aparecen na estatística de Eurostat, Galicia é a número 42 

A empresa Valoriza, contratada polo Concello coruñés no marco da emerxencia sanitaria, leva recollidas case 200 toneladas de refugallos. Na Sagrada Familia, O Castrillón, Os Castros, Matogrande e Eirís ou Mesoiro, Feáns e Valaire o persoal da concesionaria non recolleu lixo ningún este sábado. Na Cidade Vella chegou ao 75% e noutros puntos do centro, ao 70%

A primeira sentenza xudicial polo accidente do Alvia impón cadanseus dous anos e medio de prisión aos acusados e afástase da versión oficial sobre o acontecido. O descarrilamento, di, "non se produciría" non só "se o maquinista estivese atento á condución", senón tamén "se se adoptasen medidas que controlasen a velocidade" do tren que non existían porque o proxecto orixinal da liña foi modificado e Cortabitarte o "certificou" sen avaliar os riscos da mudanza

O palangreiro sufriu unha vía de auga a unhas 200 millas das Malvinas por causas que aínda se descoñecen. Entre as 14 persoas sobreviventes atópanse catro tripulantes galegos: tres veciños de Ribeira e un de Pontevedra

Ás 22:07 da noite en Fisterra, 5:07 da mañá en Nachikatsuura (Xapón) produciuse, á vez, o solpor e o mencer a dez mil quilómetros de distancia. Un acto simultáneo das dúas localidades, que se retransmitiu na rede, amosou o fenómeno, que ten lugar dúas veces ao ano e selou a unión entre as dúas terras.

A cifra, moi por riba dos datos de anos anteriores, sitúa o noso país como o territorio do Estado con máis falecementos por esta causa. A maior parte das mortes rexistradas este ano en Galicia e no conxunto do Estado producíronse en espazos sen vixilancia

Hai case un ano que rematou o xuízo polo accidente do Alvia. Á xuíza correspóndelle sentenciar a responsabilidade dos dous acusados e a complexa concreción das indemnizacións de cada persoa afectada entre manobras das compañías de seguros para tentar aforrar nos pagamentos. No medio da espera, a principal plataforma de vítimas vólvese mobilizar en Santiago para lembrar as 80 persoas falecidas e as 144 feridas no descarrilamento

Un xulgado de Pontevedra condena a Sanidade a indemnizar con 35.000 euros un mozo pola "mala praxe" ao atendelo dunha torsión dun testículo e advirte varios "supostos idénticos" noutros casos recentes. O paciente acudiu ao PAC de Silleda "cunha intensa dor testicular" e receitáronlle analxésicos e antiinflamatorios. Catro días despois, no CHUS de Santiago, ratificaron a torsión que obrigaba á extirpación

ADEGA e Mariña Patrimonio alertan de que as probas motociclistas de enduro do Alto de Guítara, nas que chegaron a participar 250 motos, veñen celebrándose dende o ano 2022, e a última edición tivo lugar en marzo de 2024.

Greenpeace presenta a edición 2024 do seu informe 'Crise a toda costa' cunha advertencia sobre os riscos de perder "a función de barreira protectora" que supoñen as praias ameazadas pola suba do nivel do mar. Vigo e A Coruña, a ría de Arousa ou puntos da Mariña destacan nas proxeccións de risco de asolagamentos costeiros no horizonte de 2030