Acontece

O máximo órgano de representación do cadro de persoal da radiotelevisión pública galega considera que o anteproxecto de lei da CRTVG suporía a culminación dun “cambio de paradigma” promovido polo PP na última década e abre a porta a que a dirección poida realizar contratacións “a dedo que esquiven o mérito, a igualdade e a capacidade no acceso ao emprego público”

A investigación oficial sobre o ocorrido en Lobeira en 2022 conclúe que "a causa do incidente foi a deficiente coordinación" e xestión das mensaxes dos pilotos de catro aeronaves de tres empresas distintas "que resultou en dúas perdas de separación en voo consecutivas".

Os feitos tiveron lugar na madrugada do xoves ao venres no barrio de Labañou e o suposto agresor foi detido o venres pola tarde. A muller, de 74 anos, faleceu vítima de asfixia. Trátase do segundo asasinato machista en Galicia no que vai de ano. Este mércores terán lugar concentracións de repulsa en cidades e vilas galegas convocadas polo movemento feminista

O despacho de avogados coruñés Caruncho & Tomé alerta de que esta práctica é unha "estafa" e que está "cada vez máis estendida". Os préstamos con aval de coche "consisten nun préstamo encuberto a través do cal o propietario do coche obtén un préstamo rápido e, sen decatarse, entrega ao prestamista a titularidade do seu coche"

O Espazo Lusquiños pechou en xaneiro, despois de facelo tamén entre 2020 e 2022 por mor da pandemia e cunha evidente hostilidade ante o espazo por parte de Gonzalo Pérez Jácome. A Casa da Xuventude ten unha actividade e unha participación a anos luz da que chegou a ter. Repasamos a historia deste lugar, que durante máis de tres décadas foi un espazo de socialización modélico para a mocidade, alimentou o talento e ofreceu alternativas de ocio para a xente nova.

O Goberno local remitiu á Fiscalía a denuncia para a investigación do conflito debido a que a actitude dos traballadores afíns ao STL está a provocar “unha situación de verdadeira insalubridade e de risco para a saúde pública”. O líder do sindicato recibe unha nova imputación por corrupción, pero a folga de brazos caídos deste grupo mantén as porcentaxes de recollida en mínimos.

Situada ó norte do concello de Cabanas, nas terras do Eume, a parroquia de Regoela xa mereceu especial atención dos investigadores da Guerra Civil e da Posguerra pola implicación dos seus habitantes na resistencia ao golpe militar do 36, cando os máis dos seus mozos se opuxeron á incorporación no exército franquista, fuxindo ás fragas. 

Coincidindo co Día Mundial Contra a Trata de Persoas, a ONG Ecos do Sur lanzou unha serie de accións de sensibilización centradas no uso que os mozos galegos fan da prostitución. "Os homes que recorren á prostitucion son cada vez máis novos, máis violentos e normalizan a prostitución como unha actividade de lecer máis, sen seren conscientes do sufrimento que hai detrás", di a entidade

Omega Real Estate solicitou permisos de investigación en Novo Arboim (Oímbra), Novo Frixo (Laza, Sarreaus e Cualedro) e Novo Cima (Verín e Vilardevós). A SGHN ou a Plataforma comarcas Limia-Verín Non ás minas mobilízanse para fiscalizar os proxectos.

No que levamos de mes, o sistema de Vixilancia da Mortalidade diaria (MoMo) estima que morreron pola calor unhas 45 persoas en Galicia, a maioría durante a última semana. O pasado ano faleceron por esta causa unhas 390 persoas no noso país, a maioría maiores de 85 anos e mulleres