Acontece

A Asociación de Medios en Galego celebra a xornada cun concerto, unha web para recompilar medidas a prol do idioma e unha guía didáctica para o ensino secundario editada en colaboración coa Deputación da Coruña. O Colexio de Xornalistas advirte de que "para que os medios se parezan máis lingüisticamente á sociedade que queren reflectir son necesarias políticas valentes" tamén en axudas e publicidade "para potenciar que o xornalismo en galego sexa unha realidade e non só unha anécdota"

Belén Fernández Suárez e Carlos Diz, do grupo de Investigación Sociedades en Movemento-ESOMI, da UDC, coordinan o libro No nos vamos, nos echan. Las luchas contra la precariedad de la nueva diáspora española, unha obra colectiva que afonda na realidade da mocidade emigrante e do activismo que levou a cabo nos últimos anos en defensa dos dereitos sociais.

Docentes do novo corpo creado en Formación Profesional polo Ministerio realizan as mesmas funcións, pero sen compensación salarial, que os técnicos aos que a Xunta si paga un complemento por non poder equipararse a súa categoría á de Secundaria. A Consellería culpa o Goberno central e advirte as persoas afectadas que xa coñecían as condicións ao presentárense ás oposicións. 

Persoal do hospital coruñés e sindicatos reclaman medidas para por fin a unha situación se está a se converter "nun problema estrutural que ameaza a calidade da atención sanitaria e o benestar de quen se dedican a coidar dos demais". O conselleiro de Sanidade recoñece que "non é lóxico que un paciente entre nun hospital cunha arma branca"

Esta fin de semana Limpiarousa, Surfrider España, Proxecto aMARte e ADEGA impulsaron a primeira "recollida simultánea", na que participaron 300 persoas. Aínda que antes se fabricaban de madeira, na actualidade a súa versión plástica supón un problema ambiental, xa que ao desprenderse, acaban acumulándose nos areais.

A dirección dos medios de comunicación públicos dá un novo prazo aos aspirantes a unha praza na CRTVG para que poidan realizar as probas en castelán, en liña cos cambios legais inseridos por Feijóo. O Comité Intercentros incide en que se trata dunha "escolla ideolóxica" relacionada coa nova lei de medios impulsada pola Xunta, que abre a porta aos contidos en castelán na TVG e na Radio Galega

Foi un dos referentes na loita contra o peche do paridoiro hai cinco anos, o que lle valeu para que o Sergas lle abrise un polémico expediente finalmente arquivado. Desde o mesmo posto que ocupaba daquela, fai balance daquel conflito e da mobilización cidadá: "Foi algo extraordinario".

Un dos edificios do Hospital Marítimo de Oza sofre dende hai anos importantes filtracións de auga, debido á "piscina" que se forma no teito plano nos meses de chuvia. Estes problemas afectan sobre todo ás consultas de fisioterapia e á área de tratamento, que "durante o inverno están cubertas de sabas, empapadores e cubos de auga"

A Coruña é a cidade galega con maior peso da poboación nacida no estranxeiro, que acada as maiores porcentaxes, por riba do 30%, nos barrios a unha e outra beira da Ronda de Outeiro. No epicentro dun deles, a Sagrada Familia, catro de cada dez persoas son inmigrantes. Pasamos un día nas súas rúas e coa súa xente.