Acontece

Unha intensa mobilización social durante dous meses e a resistencia do persoal sanitario lograron a reapertura da sala de partos no hospital comarcal tras o peche imposto pola Xunta a finais de 2019. Dous dos xinecólogos do centro lembran aquel conflito e reflexionan sobre o futuro da sanidade fóra das áreas urbanas: "A Xunta quedou escaldada, non sei se hoxe se atrevería a facelo". 

A área de Turismo da Deputación da Coruña participou esta semana en Fitur en diferentes presentacións que marcan os puntos fortes da provincia cara a este ano, desde os campionatos de surf nas praias do norte a unha nova maneira de gozar do Xeoparque Cabo Ortegal

Coa barreira dos oito millóns de turistas superada en Galicia, Xosé Regueira afirma que "podemos seguir medrando algo máis, pero temos que facer máis esforzos en buscar a ese turista que saiba valorar o que somos capaces de ofrecer"

Ninguén sae beneficiado. O Goberno galego vén de ordenar que as escolas infantís pechen de forma anticipada varios días ao ano para que as traballadoras poidan ter tempo de reunirse. Unha medida que causa malestar tanto nas familias, que xa non saben como conciliar, como no persoal educativo, que cualifica de “broma” a a decisión da Administración.

Galicia recibe máis persoas das que marchan. Porén, se debullamos as estatísticas e observamos unicamente os datos da poboación de 20 a 39 anos nacida no interior do Estado, o saldo migratorio é permanentemente negativo para Galicia. 

O vicepresidente e responsable de Turismo da Deputación da Coruña, Xosé Regueira, destaca en FITUR que o sector agroalimentario é "a mellor marca turística" da provincia

No ano 2020 unha enxeñeira non superou unha das fases do proceso de selección a pesar de obter unha das mellores puntuacións porque o seu perfil era "demasiado maduro". O TSXG e despois o Tribunal Supremo déronlle a razón e obrigaron a empresa a reabrir o proceso e incluíla nel, pero de momento a aspirante aínda non tivo noticia de acción ningunha neste senso por parte da compañía, que defende que si o está a facer.

En setembro a Dirección de Medio Ambiente denegou á empresa Billerud Viken a solitude de instalación da factoría en Hønefoss, a 60 quilómetros de Oslo, porque as verteduras da planta á auga infrinxirían a normativa medioambiental norueguesa e a Directiva Marco da Auga da UE, prexudicando os ríos da contorna e fiordos situados a unha distancia semellante á existente entre Palas de Rei e a Ría de Arousa. Greenpeace destaca as similitudes entre os dous proxectos.