O Concello da Pastoriza organiza por terceiro ano consecutivo un concurso fotográfico que busca visibilizar ás mulleres, mozas e nenas da localidade. A imaxe gañadora darase a coñecer este venres, co gallo do Día Internacional da Muller Rural
Xerais publica o vindeiro 21 de outubro o novo volume dos heroes galos, o primeiro editado dende a morte o pasado ano do seu coautor, Albert Uderzo. Trátase do volume número 39 da serie e conta co guion de Jean-Yves Ferri e os debuxos de Didier Conrad. A tradución ao galego é responsabilidade de Xavier Senín, Isabel Soto e Alejandro Tobar.
O espazo, que bota a andar este mes de xeito online e prepara o seu espazo físico na aldea de Proendos (Sober), venderá libros de editoriais pequenas e autores e autoras locais, pero tamén artesanía e souvenirs "diferentes", servindo tamén como dinamizadora cultural e turística dun espazo da Ribeira Sacra cunha gran riqueza patrimonial e un número crecente de visitantes.
“Hai que ir día a día, mes a mes, e ir vendo o que se pode facer. Mentres teña cabeza para seguir recordando textos, eu quero seguir nas táboas”. Iso dixo a actriz Luma Gómez na gala de inauguración do último OUFF (Ourense Film Festival), na que recolleu o premio da Fundación AISGE a toda unha traxectoria. Case 50 anos de carreira e máis de 30 só con Teatro do Noroeste, facendo montaxes novas todos os anos “con ou sen axudas”. Falamos con ela dese percorrido como actriz.
En total, 51 proxectos e artistas optan ás 17 categorías dos galardóns, que se entregarán o vindeiro 27 de outubro no Pazo da Cultura de Pontevedra. Este mércores celebrouse o tradicional Encontro de Finalistas
A obra gañadora, Eternity, que será publicada pola Editorial Galaxia, convida a unha reflexión sobre o futuro da sociedade, destacou o xurado. O galardón, que chegou á súa 15ª edición, está dotado, ademais, con 12.000 euros.
No sétimo Retrocorenta falamos da televisión en Galicia, porque a tele funciona como un espello da sociedade e do país. Tanto a TVG como a delegación de Televisión Española en Galicia teñen un papel fundamental no día a día destes corenta anos de memoria colectiva e disto e moito máis conversamos con Tareixa Navaza, Xosé Ramón Gayoso e Belén Regueira.
No 2020 as funcións escolares tiveron que ser realizadas de xeito online, pero nesta ocasión haberá sete representacións para centros de ensino en distintas salas compostelás. O festival de marionetas retoma unha das súas vocacións: "o achegamento ás novas xeracións" e a "creación de novos públicos"
O Festival Internacional de Curtas de Bueu, o VIA XIV, Festival Internacional de Curtas de Verín e o Play-Doc de Tui foron, coma todos os anos, unha oportunidade de achegarse ao mellor do que se está a facer en Galicia no ámbito da curtametraxe. Nesta segunda reportaxe seleccionamos outra media ducia das pezas galegas que puideron verse nestes tres festivais
A filóloga Sagrario Abelleira localizou no Archivo Histórico Diocesano de Madrid un documento inédito, achegado pola nai da poeta, que fixa no 23 de febreiro de 1837 o seu nacemento, como adianta La Voz de Galicia. A Fundación Rosalía de Castro indica que este documento "trae máis luz ao que coñecemos da vida" da autora e anuncia que "a vindeira semana daranse a coñecer aínda máis datos de interese dos seus primeiros anos"
A filósofa e escritora Rebeca Baceiredo presentou este setembro en Numax, Santiago, o seu novo ensaio, Como não ser, tranquilamente, human@s. Técnica e política da Antiguidade á era neoliberal, publicado por Através Editora.