Dúas de cada tres empresas culturais desenvolven a súa actividade "con normalidade" e o 82% ten todo o seu cadro de persoal activo, segundo as cifras que publica o Observatorio do Consello da Cultura Galega. Porén, o 75,7% das empresas enquisadas segue a facturar menos que en 2019 e un terzo delas detalla perdas de máis do 50% con respecto a aquel ano.
Os galardóns inclúen 12 categorías e 7.500 euros en premios. Nesta ocasións haberá que presentar un mínimo de cinco vídeos. O certame está organizado polos servizos de normalización lingüística dos concellos da Baña, Ames, O Grove, Moaña, Negreira, Pontevedra, Ribadeo, Rianxo, Santiago de Compostela e Teo, das universidades da Coruña, Santiago e Vigo e da Deputación da Coruña.
O Museo do Videoxogo de Galicia, con sede en Cangas, bota a andar a exposición coincidindo co inicio dunhas xornadas na Universidade da Coruña que durante o vindeiro mes incluirán conferencias, obradoiros e encontros virtuais
O Festival Internacional de Curtas de Bueu, o VIA XIV, Festival Internacional de Curtas de Verín e o Play-Doc de Tui foron, coma todos os anos, unha oportunidade de achegarse ao mellor do que se está a facer en Galicia no ámbito da curtametraxe. Nesta primeira reportaxe -de dúas- seleccionamos media ducia das pezas galegas que puideron verse nestes tres festivais.
O lugar ao que emigrar, aínda que sexa o mesmo, pode constituír unha realidade moi diferente para cada persoa. Así o comprobamos no segundo Conexión.gal, onde a xornalista María Sabarís comparte desde Londres a súa experiencia nestes anos na capital británica.
Trátase dunha intervención artística de Luz Darriba, que repite a realizada na Praza de Maio de Bos Aires no ano 2008. Terá lugar este sábado e a autora pide ás persoas que queiran colaborar que deixen as súas prendas na libraría Lila de Lilith da cidade compostelá
Un día es un descoñecido e escoitas música cos cascos na túa casa. Outro, dás un salto brutal colocándote en Spotify cunha canción con centos de miles de escoitas. E de repentem podes vivir da música. Este percorrido vertixinoso é o vivido nos últimos anos por bandas coma Verto. Falamos con Berto Mira do segundo disco de Verto, Embora, de pop, de bailar triste ou mesmo de normalización lingüística
O movemento Emerxencia Cultural Ourense, que botou a andar esta primavera como denuncia ante o empobrecemento da actividade cultural na cidade, organiza esta fin de semana as xornadas Pe(n)sar a(s) cultura(s), que levarán ás rúas e prazas debates, concertos e conversas na procurar de "tecer unha rede sen rede" e "protexer o espazo público"
Anxo Lugilde tira do prelo en galego, castelán e catalán 'A vella compañeira', un libro asentado na loita contra o estigma no que o relato de episodios de enorme sufrimento provocados pola depresión se entrelaza co ritmo dunha novela de viaxes e os detalles máis íntimos e duros da batalla, con doses esenciais de retranca
O vindeiro 25 de setembro César Portela recibirá o Premio COAG a toda unha traxectoria profesional. Nos seus 50 anos de carreira, realizou centos de obras, entre as que destaca o Museo do Mar de Vigo ou o Faro de Punta Nariga. Destaca o "saber facer" da arquitectura tradicional galega, que opón ao 'feísmo' e á "especulación" que estragou importantes zonas do país.
'9 fugas' é unha película de fuxidas, escuridades e silencios, na que se encontran unha orquestra de improvisación, o I Ching e as ilustracións de Castelao