Cultura

O Salón do Libro Infantil e Xuvenil de Pontevedra vén de facer 20 anos. Fíxoo apelando á revolución como eixe temático. Se cadra a palabra algo exaxera, sendo estritos co significado do termo. Mais do que non hai dúbida é de que eventos coma este contribuíron, e moito, a transformar a cidade. Falamos coa concelleira de Cultura, Carme Fouces, unha das principais responsables do impulso do Salón.

A poeta e xornalista chega á RAG cun discurso no que trazou unha cartografía de "complicidades na resistencia", dende as pioneiras da literatura ata as mulleres dos "lavadoiros, nas cadeas de conserva, nas redes dos peiraos". "Pensar en galego vai moito máis alá da lingua de uso. Somos unha perspectiva, unha posición, unha realidade. Somos idioma, non a súa tradución", advertiu sobre os medios públicos

O mural de homenaxe a Díaz Pardo elaborado por Lula Goce en Sada sitúase ao carón dos lugares que levan o seu nome e ollando cara ás Cerámicas do Castro que creou da man de Luís Seoane

Gumersindo Nespereira ten máis de 90 anos e, aínda que conserva intacto o instinto, tivo que ceder o posto na resolución dos crimes da cidade a investigadores máis novos, coma Benito Marañao. Un personaxe anacrónico que olla a realidade doutro xeito. É o “heroe” de ‘Guías caninos’ (Aira), a novela na que Bieito Iglesias recupera, aínda sendo un personaxe secundario, a Nespereira. Conversamos con el sobre a obra e o conxunto da súa narrativa

A implantación da lingua portuguesa no sistema educativo galego avanza timidamente tras cinco anos da Lei Paz Andrade. No curso actual hai 2.391 persoas que a estudan ben como primeira, ben como segunda lingua estranxeira na ESO e Bacharelato. Detrás desa cifra agóchase a realidade de que só 59 a escollen como primeira lingua estranxeira 

A XVI edición do festival terá lugar entre o 22 e o 25 de maio. Este xoves presentouse a imaxe e a camiseta destea ano, co lema "Exportando agroglamour dende 2004".

Cine de non ficción nunha vila periférica son os arriscados ingredientes que consolidaron o festival como un referente internacional. Este ano  o Festival Internacional de Cinema Play-Doc, chega á súa décimo quinta edición do 3 ao 7 de abril en Tui. 

O estudantado do centro realizou dúas sentadas con berros de "non á censura" para protestar pola eliminación da mostra poética que contiña un verso que dicía "Odio España"

O pasado 21 de marzo instalouse unha exposición con varios poemas realizados por alumnado de 4º de ESO. A denuncia dalgúns mestres ante a Consellería de Educación fixo que a Dirección do centro decidise retirar a mostra