Cultura

Barullo é o terceiro disco de Baiuca e poderá escoitarse enteiro a partir do 27 de setembro. Dez cancións que convidan con máis forza a levar as foliadas ás pistas de baile. Alejandro Guillán móstrase satisfeito co resultado final dun proceso de máis de tres anos desde a saída de Embruxo, sempre sen parar de facer concertos por todo o mundo. Presentará Barullo no festival Noites do Porto da Coruña o sábado 28.

Trátase da cuarta vez en seis anos que autoras galegas reciben o recoñecemento que entrega o Ministerio de Cultura, despois dos galardóns a Yolanda Castaño (2023), Olga Novo (2020) e Pilar Pallarés (2019). O xurado destaca que a obra publicada por Xerais é "unha expansiva e concentrada conversa entre o poema e a morte"

Un libro recompila as achegas do congreso sobre o Reino Medieval de Galicia impulsado pola Deputación da Coruña. O proxecto divulgativo continuará a vindeira primavera cunha "exposición como nunca se fixo sobre esta etapa da historia" en espazos públicos da Coruña e Santiago

O premio, dotado con 12.000 euros, inclúe a publicación da novela curta por parte da Editorial Galaxia. Ramos xa obtivo este galardón hai dous anos con Os corpos dos Romanov. “Pola calidade dos seus diálogos, a caracterización dos personaxes e a acaída recreación de atmosferas, esta novela constitúe un excelente retrato da complexa sociedade galega que nos tocou vivir”, destaca o Xurado

O xurado destacou a súa obra O corpo de Cristo (Astiberri) por ser "unha obra innovadora, arriscada no formal, con texturas e composicións que transcenden as técnicas máis utilizadas sen renunciar ao uso do humor e a unha mirada poética". Así mesmo, salientou que a obra "posúe unha gran profundidade e sensibilidade pola maneira de abordar un tema tan complexo como o da saúde mental desde a propia experiencia da autora, así como a reivindicación da importancia dos coidados". 

Diagnóstico: estado carencial. Este verso de Gisele Mato pode sintetizar as ideas que contén o seu poemario Habitar as fendas, editado por Xerais e gañador do XII Premio de Poesía Manuel Lueiro Rey. Mato estudou Psicoloxía entre Santiago de Compostela e París e adícase profesionalmente a un traballo que pouco ten que ver coa escrita. Porén, comezou escribir poesía sendo unha nena. Unha meniña de pais galegos emigrados a Suíza que é quen de referirse á dó migratoria en primeira persoa.

Alana, Amoebo, Os D’Abaixo, Quico Comesaña, Ruxe Ruxe e Su Garrido Pombo estarán no V Encontro Profesional de Música Galiza-Portugal que se celebra do 12 ao 15 de setembro 

O Mago Antón dirixe o festival que desprega a maxia pola cidade da Muralla do 10 ao 15 de setembro: do hospital ás prazas pasando polo auditorio Gustavo Freire e un emblemático restaurante punto de encontro de magas e magos

O bailarín, coreógrafo e percusionista Artur Puga ultima a posta en marcha de Seisporoito, escola itinerante de baile tradicional, que levará a cultura tradicional galega desde Vigo ata Barcelona pasando por lugares como Xinzo ou A Gudiña.

Legado Activo Beiras Cal  fai un chamamento a quen poida achegar algunha información sobre a única persoa que aínda non puido ser identificada na serie fotográfica coa que o oftalmólogo retratou os traballos da malla na aldea de Aguias (Muras) en 1957 e que se exhibe dende o mes de xullo. A moza, que hoxe tería 85 anos, protagoniza unha das imaxes máis impactantes, escollida para o cartel da exposición.

A novena edición do encontro audiovisual terá lugar entre o venres 6 e o domingo 8, un tempo no que os e as realizadoras deberán idear e gravar unha curtametraxe na localidade. Haberá, ademais, obradoiros, proxeccións e outras actividades paralelas e en febreiro proxectaranse as curtas rematadas.

É a primeira vez que o premio recoñece unha tradución poética ao galego, tras premiar en anos previos outro tipo de creacións literarias