"O proceso de creación está cheo de oportunidades de relación con outros artistas e mesmo co público, e todo iso tamén é algo a investigar e a telo como potencia, e non agochado como se fixo historicamente", destaca Catarina Varela, directora das Residencias Paraíso do colectivo RPM
Sabela Ramil ten claro que a música segue facéndoa primeiro para ela, o que é para totalmente para os demais son os concertos. Non foi doado transitar os primeiros anos de visibilidade tras pasar por Operación Triunfo, pero conta como logrou "silenciar" aquilo que non lle permitía centrarse no seu debate interno sobre que camiño escoller como artista. Para finais de ano presentará un EP con cancións novas pero antes, á volta do verán, comezará a súa xira galega por salas, nas que pode mostrar mellor "os matices" do seu proxecto musical
O festival Jazz de Ría celébrase do 16 ao 20 de agosto en escenarios privilexiados. "O propósito é poder estar nun espazo bonito, tranquilo, que non haxa impacto ambiental e que a veciñanza non se sinta invadida polo festival", sinala a súa directora, Aitana Cuétara
O evento arredor da obra de Novoneyra celébrase do 23 ao 25 de agosto na casa-museo do poeta en Parada do Courel
En agosto de 2014 nacía na Coruña un "minifestival de autoedición e cómic de autor", o Autobán, que dende entón medrou e consolidouse sen perder a súa esencia. No último ano converteuse en asociación cultural e creou o premio ao mellor fancine galego. Falamos co seu responsable, Bernal Prieto.
Os Andares é arte en movemento. José Díaz e Iria Azevedo, de Fósforo Arte & Cultura, xunto a Marcos PTT do Colectivo Galiza Emocional, dirixen este proxecto artístico e inmersivo pola serra dos Ancares. Seis guías emocionais que se mesturan o documental e a ficción coa meta de afondar no coñecemento da Reserva da Biosfera dos Ancares Lucenses e Montes de Cervantes, Navia e Becerreá
A 11º edición do Festival Internacional de Arpa Vila de Noia reunirá do 8 ao 10 de agosto a bandas e solistas chegadas de Alemaña, Escocia, Francia, Senegal e Ucraína, que amosarán a súa calidade artística en eidos como a música clásica, o folk ou mesmo o jazz
A vida de María SOA e Sara Faro cambiou de vez cando se coñeceron, en 2018. Desa feliz conxunción xurdiu Fillas de Cassandra, un primeiro disco e moitos proxectos, concertos e ganas de non espertar dese soño que é toda unha realidade. A gran acollida do seu disco debut, Acrópole, fíxoas reinventalo nos directos para darlle unha nova vida a través do espectáculo Últimas Dionisíacas. Nas últimas semanas coñecemos o seu novo tema, D’Escarnio, e esta noite chegan a Bueu para amosarlle ao público do SonRías Baixas a destrución da Acrópole e acadar unha catarse colectiva, onde a emoción brote a mares.
Chus Pato, Ismael Ramos, Marta Tojo, Esther F. Carrodeguas, Olga Novo, Rosalia Fernández Rial, Samuel L. Paris ou Xosé María Álvarez Cáccamo participan no evento, que comezou o pasado 26 de xullo e se desenvolverá ata o mes de outubro