María do Cebreiro achéganos ao seu ensaio 'Maternidades virtuosas' onde a crítica aos modelos neoliberais de crianza non está exenta do humor, e mesmo da poesía, acompañando unha análise da sociedade actual desde o prisma de ser nai. Un libro no que pretendeu "falar desde o rigor a favor da maternidade"
Unha moza, Xoana, colaboradora do Padroado de Historia de Vigo, investiga feitos relevantes do pasado da cidade como a folga de 1972. Contará, para iso, cunha axuda inesperada, a de Irene, unha muller doutra xeración coa que vai creando unha estreita relación. A amizade entre elas é o fío condutor de Todo chega desde o mar (Medulia), de Santiago Ferragud, unha novela na que Vigo, coa súa puxanza e tamén as súas contradicións, é a verdadeira protagonista.
Os premios aRi[t]mar celebran a súa sétima edición achegando as culturas ás dúas beiras do Miño cuha gala aberta ao público que se celebra o xoves 15 no Teatro Principal de Santiago de Compostela na que actuarán artista setubalense A garota não e a arxentino-galega Catuxa Salom
Unha poética dos vestixios. Do que pode construírse sobre os restos, sobre os fragmentos. Como espazos de pertenza erguidos mesmo onde non quedaba nada. É unha das propostas de Ninguén queda (Euseino), a primeira novela de Brais Lamela. Un mozo conta a historia dun desposuimento, o da veciñanza de Negueira de Muñiz obrigada a desprazarse á Terra Chá tras seren as súas casas anegadas para facer un encoro
O proceso para acadar a categoría de BIC segue a avanzar coa entrega na Dirección Xeral do Patrimonio Cultural do Informe técnico que xustifica este recoñecemento e que fai fincapé nas "persoas portadoras" e nas medidas de salvagarda e promoción desta práctica
Tres docentes con experiencia no mundo editorial crean un novo selo especializado en literatura fantástica e cunha colección de novelas xuvenís para iniciarse na ciencia ficción, a cabalaría ou o salvaxe oeste
Este xoves Ponte nas Ondas! foi recoñecida oficialmente pola UNESCO como exemplo de boas prácticas na preservación do patrimonio inmaterial. A entidade reclama dos gobernos a incorporación formal ao sistema educativo do seu modelo traballo aulas.
Barroco é a acumulación de aprendizaxes e experiencias que conforman a nosa identidade. Ou as outras, as subalternas, que quedaron fóra da Historia. Unha perda persoal que leva á devastación, ás feridas do colectivo. Ou os afectos como entorno seguro ao que acollernos. Varios piares temáticos sosteñen o novo poemario de Antía Otero
A Compañía Humana está a preparar a obra, a partir do texto orixinal do galés Gary Owen, que fai un paralelismo entre o sacrificio do mito clásico de Eurípides e unha moza actual que sofre en primeira persoa as consecuencias da falta de médicos. É un dos monólogos máis premiados dos últimos anos e a partir de marzo poderá verse por primeira vez en galego
Con case tres décadas de traxectoria, PNO! é recoñecida oficialmente no organismo cultural da ONU pola súa preservación do patrimonio inmaterial a través das dúas múltiplas actividades culturais encabezadas pola radio. "Esta ponte nas ondas da radio integrou a voz de persoas e comunidades de ambas beiras da fronteira luso-galaica" e agora gaña "uma nova dimensão", celebran