"Foi case máis o que se falou na Península que o que nós estabamos a pasar alá. Tivemos sorte de estar na residencia da embaixada", conta Alejandro Guillán, artífice de Baiuca, sobre a experiencia en Sudán en pleno golpe de Estado militar
Cineuropa 2021 incorpora seccións temáticas como 'Cinema e totalitarismo' e tamén recupera algúns dos filmes elixidos para a edición de 2020, marcada polas restricións da pandemia. As entradas están á venda dende este 5 de novembro
O fotodocumentalista Xosé Abad filmou en 'Retomadas, a loita indíxena' o día a día das máis de 17.000 persoas que residen na reserva indíxena de Dourados, no Brasil. Unha das organizacións que articula aos pobos indíxenas do país proxectará o documental dentro das accións que prepara na COP26
'Eles transportan a morte', primeira longametraxe de Helena Girón e Samuel M. Delgado, presentada en Curtocircuíto, é un relato contraoficial da historia, da conquista e das bruxas
A IV mostra internacional de cinema documental trae a Galicia, entre outras, a triloxía ‘Océanos, a voz dos invisibles’, de Mathilde Jounot, que na súa última entrega relata a loita de pescadores franceses contra os aeroxeradores
A Banda da Loba na categoría de pop e indie, Moon Cresta en rock, Brais Morán no apartado de blues, funk e soul, N.E.O. en metal, MJ Pérez en canción de autoría ou Wöyza en músicas urbanas encabezaron uns galardóns que tamén homenaxearon á sala de concertos Mardi Gras da Coruña, ao festival ferrolán Jazz de Ría e ao produtor Pablo Barreiro durante a gala celebrada no Pazo da Cultura de Pontevedra
Aida Pérez conéctase neste cuarto Conexión.gal desde Lucerna, no corazón de Suíza. O que nun principio ían ser tres meses na China, van para sete anos emigrada do seu Lestedo natal. Os efectos da crise económica de 2008 notáronse con forza no seu sector, o da publicidade e o deseño gráfico, e buscou sorte fóra. En Lucerna traballa nunha empresa especializada en materiais para o ensino do inglés á infancia.
O impacto do streaming nos pequenos cinemas, as diferentes vías de conservación e a situación dos cinemas periféricos na era post pandemia centran a programación do Small Cinemas 2021, que se celebra por primeira vez en Galicia
Navaza, que substitúe ao falecido Xosé Ramón Barreiro, ten unha dilatada traxectoria literaria e como especialista en toponimia. Pereira, doutora en Dereito e avogada laboralista, é a autora da primeira tese sobre Concepción Arenal, ensaísta e membro de diversas entidades culturais. Nicolás, que exerce como profesor, é escritor, tradutor e crítico literario
Xosé Manuel Pereiro asina xunto a Xurxo Martínez o libro 'Reboiras. O camiño da rebeldía' no que falan con preto de cincuenta persoas que coñeceron a Moncho Reboiras para descubrir "cousas por unha parte moi serias e tráxicas, pero por outra moi divertidas"
O festival de cinema fantástico (FKM) da Coruña inclúe entre as súas seccións a Fetus, adicada a curtas feitas en Galicia e en galego, que procura “as producións máis experimentais e arriscadas” e a través dela o talento das escolas de audiovisual nos xéneros de terror, fantástico e de ciencia ficción. Realizamos un percorrido pola sección Fetus deste ano.