'A vida tralos labirintos mentais. Historias soterradas', 'Sala de Domingo Fontán: Un país no mapa!' e 'Casa de soga e coitelo, o cárcere de Tor' son os tres novos espazos humanizados seguindo os criterios das novas museografías no Museo Pazo de Tor da Deputación de Lugo, que xa se poden visitar
Falamos coa directora teatral Tamara Canosa sobre 'Amantis', de Rebordelos, que vén de pasar polo Teatro Principal de Santiago.
O festival da lectura de Santiago celébrase do 9 ao 18 de xuño na praza da Quintana co propósito de "levar o protagonismo do papel ao directo", a presentación da SELIC Criminal e a participación de escritores como Cristina Morales, Diego Ameixeiras ou Bernardo Zannoni
Xulia Pisón e Óscar Losada abordan a través das viñetas a epopea desta rapaza que liderou, capitaneou e puxo nome ao seu propio equipo de fútbol e que virou en figura admirada e recoñecida na Coruña nos anos vinte do século pasado.
Non se trata de con canta xente te deitas, senón de como te vinculas coas persoas. De considerar todos os vínculos afectivos -amizades, parellas, no seu caso familia, etc- igualmente importantes, sen privilexiar a/as parella/as. Principios coma este sitúanse na base das non-monogamias feministas, tema que analiza o ensaio O cento voando. Amores, alianzas e non-monogamias (Xerais), coordinado por Andrea Nunes Brións e Ánxela Lema París.
Para a entidade, "o contexto dos festivais internacionais semella idóneo para mostrar as capacidades da nosa lingua". A AGT fai fincapé na obriga que ten o Centro Dramático Galego de “garantir a normalización e o impulso do idioma galego como medio para protexer e fomentar a identidade cultural de Galicia"
Formacións como Aquelarre, Dioivo, Mileth, Pneura, Somos Nos, Xerión ou Xhamain participan no álbum Ferro e Pedra: Homenaxe ós Precursores, que rende homenaxe a grupos como Desvirgheitors, Mutant Squad, Épsilon, Nordés, Los Suaves, Consumatum Est, Mol, Detestor ou Nowhere
Carla Subirana vén de estrear nas salas de cine Sica, o filme rodado na Costa da Morte en galego e catalán que presentou na Berlinale e co que participou no Festival de Málaga. Conta a historia dunha rapaza que busca respostas no mar tras o naufraxio do barco no que navegaba o seu pai. A cineasta catalá estará este sábado nos Cines Gran Vía de Vigo no pase das 20.20h, e o domingo no cine Numax de Santiago nos pases das 19.30 e 22 horas.
Nun tempo de exposición permanente a través das redes sociais, César Souto escolleu contar unha historia sobre unha persoa que renunciou totalmente a proxectarse publicamente: o poeta estadounidense Wallace Stevens, gañador do premio Pulitzer no 1955. Nada de extraordinario sucedeu na súa vida anódina de oficinista. A poesía, dicía, non é nada persoal. Mais nas súas cartas agroma unha realidade que non era só a súa ou a do seu tempo. A alienación do traballo. O xeito no que consume a vida. Ante o que a poesía pode ser, tamén, un xeito de erixirse. Iso se albisca en A Foreign Song (Matriuska), que vén de ser proxectada no Play-Doc.
A Editorial Galaxia publica 'Loitando pola Galicia que non foi. Artigos e conferencias. 1932 - 1936', no que figuran os artigos de don Paco desde que en 1931, con 18 anos, se incorpora ao nacionalismo galego e ata o ano 1936, cando se ten que esconder para salvar a vida. Unha "xusta recuperación para a memoria colectiva", en palabras de Justo Beramendi, que está a cargo da presente edición.
A Real Academia Galega reivindicou a don Paco, "a luz nas tebras do franquismo". No pleno extraordinario co gallo do Día das Letras Galegas celebrado en Lourenzá, localidade natal do seu protagonista, Francisco Fernández del Riego. Víctor F. Freixanes reivindicou a "resistencia non menos heroica" de Del Riego e os que quedaron en Galicia durante o franquismo: "Gañaron un futuro para todos nós"