A Real Academia Galega e a Fundación Barrié presentaron a aplicación, que inclúe seis xogos ao redor das palabras e que se pode descargar de balde para o seu uso en dispositivos móbiles de Android e iOS.
Tamara Canosa será a directora desta montaxe que xogará coas premisas que rexen os chamados talent shows. Ademais, o CDG recuperará en xaneiro Terceiro acto, obra dirixida por Andrea Jiménez e Noemi Rodríguez e estreada coas limitacións propias da pandemia en abril de 2021.
Oihane Amantegi debuta na literatura cunha novela breve que ten moito de fábula, pero fala de circunstancias tan terreais como a perda, a ausencia e a morte. Conto ao carón do río está escrito orixinalmente en éuscaro e foi traducido ao galego por Isaac Xubín para a editora Rodolfo e Priscila. A escritora conversará coa editora Berta Dávila o domingo 11 na SELIC de Santiago ás 18 horas.
En outubro de 1923 un grupo de mozos universitarios botou a andar unha insitución que buscaba estudar e divulgar o patrimonio cultural galego e que realizou xeiras de investigación en varias comarcas. O Consello da Cultura Galega celebra cunha andaina a publicación en 1933 do libro Terra de Melide, que compilaba as achegas sobre esta bisbarra
O ano pasado foi Ragazzo a obra que permitiu descubrir, no Galicia Escena Pro, o traballo de Barrosanta -o proxecto teatral de Anxo Outumuro-. Se este ano houbo unha obra revelación que serviu para dar a coñecer tamén un equipo de profesionais recén saídos da ESAD, foi sen dúbida Iphixenia na porta do súper, un texto do galés Gary Owen adaptado ao galego pola Compañía Humana. Fran Peleteiro e Antela Cid producen este espectáculo, dirixido por Sara Rey e impecablemente interpretado por Alba Caneda. Falamos coa actriz e coa directora.
Santiago acolle este sábado a quinta edición do evento, con charlas, debates, presentacións, un mercado, música e un combate de debuxantes
A décima edición dos galardóns da música do país recoñeceu a Sergio de Miguel como Artista Emerxente e a proxectos como Moura, Momboi, Udra, Arrhythmia, Sila Lua ou Terrae. Luz Casal recolleu o premio honorífico e salientou a diversidade musical galega vista na gala
O Parlamento luso aprobou por unanimidade instar ao Goberno que conclúa a vinculación do país á Carta Europea das Linguas Minoritarias. Varios deputados empregaron un traballo coordinado por Xosé Henrique Costas como argumento para esixir unha intervención inmediata en favor do mirandés, en serio perigo de desaparición
Camilo Franco asume a dirección da feira das industrias culturais, a Culturgal, que se celebrará a súa décimo sexta edición do 1 ao 3 de decembro no Pazo da Cultura de Pontevedra. O xornalista e escritor está a desenvolver un proxecto que mira cara aos públicos e atende ás culturas galegas en plural. "A feira non é o resumo do ano que remata cando se celebra, senón que ten que ser o adianto do ano seguinte", afirma.
"Recuperar aspectos agochados ou desapercibidos permítenos construír un relato máis plural e democrático do noso pasado", defendeu o historiador Lourenzo Fernández Prieto este sábado no seu discurso de ingreso como académico de número na Real Academia Galega