Deportes

A Policía detivo dez persoas, entre elas a responsable comarcal do BNG, nunha xornada con varios incidentes. A masiva presenza de persoas con bandeiras na chegada da etapa en Monforte levou á organización da Vuelta a colocar unha segunda fileira de valos para evitar que os manifestantes penetrasen no percorrido fixado para os ciclistas, como xa sucedera días atrás en Bilbao. O martes, segunda etapa galega, entre Poio e Mos.

Están previstas mobilizacións en apoio de Palestina nas tres etapas que descorrerán polo país, onde tamén haberá unha xornada de descanso o luns en Pontevedra

Os combinados masculino e feminino, recoñecidos oficialmente, disputan varios partidos de cara aos World Games que se celebrarán o vindeiro ano. 

Aquí Tamén Se Fala e o edil de Cultura, Gonzalo Castro, descobren as novas placas da vía dedicada ao Deportivo, que mantiñan o topónimo deturpado desde 2012. O cambio na denominación da rúa chega no medio da intensa campaña a prol da mudanza no nome oficial do club, ao que aprema agora a administración local. 

Feiraco uniu os dous principais equipos do país nun partido protagonizado por Aspas e Mella entre vacas e tractores e arbitrado por unha gandeira da cooperativa. "Ao final, ti e máis eu somos do mesmo equipo", remata dicindo Aspas. "Si, o equipo de Galicia", responde Mella

A iniciativa de Aquí Tamén Se Fala, apoiada polo Concello, a Xunta ou a Academia, continúa a sumar apoios mentres espera por unha xuntanza co Dépor que non chega. Unha faixa co lema da campaña que ía lucir Riazor polo Día das Letras foi vetada a última hora. 

O circuíto municipal Jorge Prado acolleu por segundo ano consecutivo unha das citas do Mundial de Motocross, á que asistiron 18.300 persoas a pesar da chuvia. A lama foi protagonista nas carreiras nas que o piloto galego Rubén Fernández e a catalá Daniela Guillén subiron ao podio.

Xurxo Souto, María Canosa, Xabier Díaz, Lucía Veiga ou Rodrigo Vázquez, entre moitos outros, únense a través dun vídeo á campaña que insta o Dépor a usar a denominación en galego e oficial da cidade no seu nome. 

A campaña de 'Aquí tamén se fala' impulsa a mudanza na denominación do Dépor que apoian Concello, Xunta, RAG ou UDC. O club di que a "valorará" e a alcaldesa, Inés Rey, pídelle que "se axuste xa ao nome que é oficial e único que hai". O profesorado impulsor da iniciativa di estar "convencido" do cambio e advirte dun debate "extinto" na cidadanía: "La Coruña é xa algo pintoresco, unha disonancia". 

O moañés deixa de ser profesional aos seus 39 anos e tras 18 tempada na elite. Retírase cun palmarés no que destaca o seu triunfo en 2017 na Volta a Austria e catro etapas na Volta a Portugal. Era o derradeiro representante en activo do equipo galego que entre 2007 e 2010 conseguiu éxitos impensables para unha entidade modesta.

A iniciativa cultural liderada polo IES Rafael Dieste da Coruña proponse que o Deportivo "empregue o topónimo oficial a partir da seguinte temporada, 2025-2026", no seu 120º aniversario, cunha serie de accións que contan co apoio de Concello, RAG, Deputación, Xunta ou Consello da Cultura Galega e ex-xogadores como Álex Bergantiños.