Vilalba, na Terra Cha, é a sede das dúas peñas decanas do Deportivo e do Celta. Os presidentes de ambas as dúas agrupacións, amigos e compañeiros, reúnense para falar do derbi, dan exemplo dunha rivalidade ben entendida e soñan "cunha festa conxunta" para celebrar o ascenso dos dous equipos. Renegan da violencia e dos "energúmenos" e reclaman aos políticos e aos clubs "que se impliquen para fomentar a concordia e non o contrario".
Máis de setenta xornalistas galegos promoven unha obra solidaria que reúne relatos sobre o partido de rivalidade entre os dous grandes equipos de Galicia. Os beneficios irán destinados á Fundación Andrea.
Vicente Celeiro (Vilalba, 1962) recoñécese “un caso atípico” ao non poder elixir entre o branquiazul e o celeste. Ex xogador do Deportivo e do Celta nos anos 80, declárase afeccionado dos dous grandes galegos, pero vive a rivalidade na súa propia casa. O seu fillo maior, coruñés, é "celtarra de todo", o pequeno, vigués, é un orgulloso deportivista.
José Antonio Hermida (Puigcerdá, 1978) é outra das bazas galegas para Londres 2012. “Falo galego e meus pais son galegos”, xustifica este ciclista de montaña nado e criado en Cataluña. Campión europeo e do mundo de campo a través en varias ocasións, a última en 2010, xa coñece o que é a gloria olímpica logo de obter a medalla de prata en Atenas hai oito anos. Agora, afronta os seus cuartos Xogos Olímpicos co obxectivo de poñer un broche de ouro á súa prolífica carreira e celebrar de novo un triunfo simulando un pistoleiro. De aí lle vén o alcume a Pepiño Pistolas, que responde á entrevista en galego, pero que podería elixir. Fala seis idiomas.
Mentres que Dépor e Celta afianzaron, sobre todo os primeiros, as súas opcións de ascenso á liga BBVA, outros clubes galegos, noutras categorías e competicións, mantiveron unha semana máis outras loitas máis modestas. Foi o caso de Montañeiros e Celta B, que empataron no derbi que os enfrontou e que os mantén en postos de perigo na Segunda B. Ou tamén a pelexa de Ourense, Cerceda, Racing Vilalbés ou Pontevedra por ascender a esa categoría.
O equipo máis popular do país máis futboleiro do mundo cumpre cen anos. O Flamengo, que presume de ter máis de 40 millóns de seareiros no Brasil, celebra o seu centenario lembrando mitos como Zagallo, Júnior, Leónidas ou Zico. Pero tamén recordando a un galego de Pontevedra que conta cun lugar reservado na historia do Fla: José Armando Ufarte, o Espanhol para a afección brasileira.
O club de hockey sobre patíns, o máis laureado de Galicia, cumpre 40 anos e celebra o 30º aniversario do seu primeiro título. Efemérides dunha revolución nun deporte de berce e raizame catalá. Malia a dificultade de vivir na cidade á sombra dun Deportivo con 25.000 abonados, o Liceo continúa na gloria. É o actual campión de Europa e pode seguir presumindo de ser o club máis laureado de Galicia. Porque non todo vai ser fútbol.
Begoña Fernández saíu hai catorce anos do Club Balonmán Porriño. Quizais nunca pensou que tanto tempo despois sumaría preto de vinte títulos oficiais. No Osito L'Eliana, en Elda e durante dúas etapas no equipo navarro do Itxako, onde milita na actualidade, esta viguesa non deixou de acumular éxitos. Tamén na selección española, coa que foi subcampiona de Europa, pero coa que non puido gozar do bronce mundial do ano pasado por mor dunha lesión. Agora, superados os problemas físicos, a declarada hai uns anos mellor pivote do planeta, soña cunha medalla nos Xogos Olímpicos que poña o broche de ouro á súa carreira. E soña tamén con que os méritos do deporte feminino sexan recoñecidos dunha vez.
Mentres Deportivo e Celta ocupan con folgura os postos de ascenso a Primeira División grazas ás súas vitorias, o resto da xornada foi dispar para os equipos galegos. Vitoria de Breogán e derrotas de Leyma Coruña e Sousas Ourense en baloncesto. Derrotas de Academia Octavio e Teucro e empate do Cangas em balonmán.
No último derbi en Primeira División, hai xa cinco anos, había máis uruguaios que galegos sobre o campo. No enfrontamento de rivalidade do pasado mes de novembro, xa en Segunda, nove galegos e dez canteiráns pisaron o céspede de Riazor. Seis coa camisola celeste e catro coa branquiazul. Son outros tempos. Eran outros tempos.