Economía

Os tribunais paralizaron en xullo o proceso de eleccións sindicais tralas denuncias da CIG, que acusa á empresa de "prácticas mafiosas" para evitar que a central obteña representantes. A pasada semana o sindicato foi o máis votado en Novafrigsa, dependente do mesmo grupo

A porcentaxe de desafiuzamentos motivados polo impagamento de alugueiros leva anos medrando, en paralelo co encarecemento dos prezos, sobre todo nas zonas urbanas

Vulcano fará fronte en setembro a un ERE extintivo que afectará a 69 empregos e Navantia asiste ao bloqueo dos proxectos do Estaleiro 4.0 e do encargo do buque de apoio loxístico da armada. Barreras, con encargos, enfronta dificultades polo abandono do capital mexicano, que completa un ronsel de decepcións

A firma creada o 3 de agosto de 1939 por empresarios cárnicos e investigadores perseguidos polo franquismo para obter insulina dos páncreas de animais sacrificados derivou nestas oito décadas en todo tipo de proxectos farmacéuticos e químicos

As inscricións nas oficinas de emprego caeron por riba do 7% en Galicia e a creación neta de emprego rolda as 8.000 persoas, cunha media de 15 contratos laborais por emprego creado.  A combinación dos devalos económico e demográfico provoca que o paro estea en niveis pre-crise pero haxa case 60.000 cotizantes menos na Seguridade Social

Os sindicatos denuncian que están en xogo un milleiro de empregos dos servizos de mantemento, que pasarían a ser realizados dende Asturias. A CIG pide a implicación das administracións e advirte de que a perda de emprego afecta tamén "a outros servizos, como enxeñería e atención telefónica"

Na súa presentación de resultados do primeiro semestre do ano, cunha redución de beneficios do 50%, ENCE explica aos accionistas que é posible que teña que abandonar a ría corenta anos antes do previsto tras a prórroga outorgada polo Goberno de Rajoy

Durante dous anos manterase o 100% dos postos de traballo e a partir de aí está garantida a continuidade de 250 dos 375 empregados da planta herculina, cifra que podería aumentar se o novo propietario recibe un prezo "competitivo" da electricidade, que depende da aprobación do estatuto electrointensivo

Entre o 2008 e o 2018 o gasto incrementouse notablemente en tres partidas: educación (62%), saúde (+16%) e vivenda (+24%), área que abrangue tamén as facturas de luz, auga e calefacción. O incremento mantívose mesmo nos peores anos da crise, cando o gasto total se recortaba

Nosa Enerxía nacía en 2013 con 30 socios e socias co obxectivo de "cambiar o modelo enerxético actual e democratizar a enerxía, consumir enerxía verde e tamén apostar pola economía social e verde". Agora tamén impulsa proxectos como o orientado a substituír os motores de combustión por motores eléctricos na frota bateeira