Economía

O Concello esíxelle case un millón de euros pero a empresa presentou un recurso contencioso-administrativo. O debate de fondo é se o centro é de titularidade pública -como defenden Xunta e concesionaria- e polo tanto non ten obriga de abonar o imposto, ou privada -como afirma o Goberno local- e si debe facelo 

A multinacional cumpre a súa ameaza logo de que a Xunta non lle autorizase a segregación das actividades na Costa da Morte e traslada o proxecto previsto a Puertollano tras anos de I+D en Galicia, de onde obtén a materia prima. "Non teñen dignidade nin amosan respecto", di o alcalde arteixán

En 2016 rehabilitáronse 377 inmobles nas sete urbes do país, máis do triplo dos edificios de nova planta construídos (114). No conxunto de Galicia o número de construídos (1.534) e rehabilitados (1.476) foi case idéntico.

Vén de constituírse a Plataforma Polo Comercio Local, que agrupa 1.200 establecementos e o 80% das asociacións da cidade. Advirten de que a instalación do megacentro comercial sería "un golpe mortal" ao comercio vigués e de que podería destruír 6.000 postos de traballo.

O recorte afectará cinco centros galegos, catro deles na Coruña e un en Compostela, e ameaza 500 empregados. O expediente chega logo da compra do Popular, que xa prescindiu hai pouco de 300 empregados no país

O salario medio en Galicia crece seis euros e sitúase exactamente no mesmo nivel no que se atopaba en 2011. 5 anos de estancamento. Máis da metade dos asalariados e asalariadas galegas (o 52,5%) gaña cada mes menos de 1.595 euros brutos e o 31,5% fica por debaixo dos 1.229 euros brutos, ao redor dos mil netos.

O edificio InTempo é parte dos 5.000 millóns de euros en activos tóxicos de Novagalicia Banco transferidos durante o rescate á Sareb, que se negou a informar ao respecto ao Parlamento galego

• HEMEROTECA | O banco malo négase a informar o Parlamento sobre o 'ladrillo tóxico' que lle transferiu Novagalicia