Case 83.000 persoas afiliadas á Seguridade Social no país son de fóra do Estado, 10.000 máis que hai un ano e 53.000 máis que hai unha década. O 20% do persoal migrante traballa na hostalaría, sendo Venezuela, Colombia e Portugal os países con maior peso no mercado laboral.
Entre o 2022 e 2024 o encarecemento rolda o 10% para o conxunto de vivendas, con cifras moi superiores para os novos contratos asinados, segundo os datos do INE obtidos a partir das declaracións da renda dos propietarios. Concellos como Ames, Poio, Arteixo, Cambre, A Laracha, Foz ou Lalín presentan subas semellantes ás da Coruña, Pontevedra, Santiago ou Vigo.
No primeiro trimestre do 2026 o prezo medio dos contratos asinados na Coruña foi de 705 euros, 26 euros por debaixo do prezo medio nos sete primeiros meses do pasado ano, momento da entrada en vigor da medida. Esta redución do 3,6% contrasta cos aumentos que rexistra Pontevedra (55 euros máis, +8,6%), Ferrol (42 euros máis, +7,6%), Vigo (42 euros máis, +6,1%) ou Ourense (34 euros máis, +6,3%)
O TSXG reprocha que o Igape non fose quen de obter da Consellería de Facenda un certificado de que unha empresa non tiña débedas, como esta lle autorizara a consultar, "ocasionando en consecuencia indefensión"
Centos de traballadoras do sector volveron manifestarse contra o convenio que negocia a patronal ARTE con Fetico e CCOO, que volverán reunirse a finais do mes de maio, e insisten en pedir un acordo interprofesional en Galicia que blinde os convenios provinciais.
Novo paro convocado este luns por CIG e UGT para rexeitar o preacordo asinado entre a patronal ARTE e os sindicatos CCOO e Fetico. O persoal mobilizado reclama un acordo interprofesional galego que blinde os convenios provinciais.
O sector marisqueiro galego arrastra unha importante crise dende hai anos. Especialmente significativo -polo seu peso económico- é o devalo do mexillón das bateas galegas: 2025 marcou un novo récord negativo nas últimas dúas décadas. O mesmo sucedeu coa ameixa, a volandeira ou a ostra plana, entre outros bivalvos. A contaminación e os efectos do cambio climático, entre as causas.
A conselleira de Economía e Industria, María Jesús Lorenzana, anuncia a convocatoria de novos dereitos mineiros para explotar recursos clave para sectores da defensa, a automoción e o aeroespazo valorados nuns 7.000 millóns de euros.
O país creou 8.000 postos de traballo, superando os 1,1 millóns de persoas afiliadas, o mellor dato no cuarto mes do ano, onde o paro descendeu en 2.377. Só un terzo dos contratos asinados foron indefinidos, fronte ao 43% no Estado.
Os sindicatos engaden ás súas reivindicacións laborais e contra a guerra a crítica á Xunta polo seu plan para controlar as baixas e acusan o Goberno galego de querer "culpabilizar a clase traballadora por caer enferma".
O anuncio de Alfonso Rueda fixo que á demanda de "traballo digno" e ao rexeitamento ás guerras se unise un berro sindical contra a "criminalización e culpabilización" da clase traballadora" nunha xornada de mobilización que clama tamén por solucións ao problema da vivenda.
En 2024 tan só a cuarta parte da enerxía transformada ou consumida en Galicia foi de orixe renovable, sen melloras nos últimos anos ante o estancamento das fontes renovables, especialmente a eólica. Greenpeace e OGACLI reclaman unha aposta clara polo abandono dos combustibles fósiles e polo aumento da electrificación para "mitigar a crise climática, reducir a contaminación, asegurar a autonomía enerxética e garantir a prosperidade socioeconómica"