A Fegamp lembra que o 60% dos municipios galegos non teñen policía local e a Deputación de Lugo afea que o Goberno galego lles esixa actuacións pero non os informe das persoas afectadas en cada un
O candidato do PP e presidente da Xunta asegura que “neste momento a situación é tranquila, non sei o que pode pasar dentro de varios días ou de varias semanas”
Centrado en culpar o maquinista, o Goberno galego impuxo a funcionarios propios sen experiencia como peritos xudiciais e deu a Medalla de Galicia ás vítimas co rexeitamento de parte delas, que nunca foron recibidas polo presidente
Son varias as ocasións en que transcenderon discrepancias entre diversos departamentos dos gobernos de Feijóo ou entre el e outros cargos do seu partido malia as súas constantes alertas fronte aos bipartitos e os partidos desunidos
“Para quen di que o rural galego está baleirado, eu recoméndolle que visite o rural de Santiago”, di a deputada Paula Prado
O líder do PSdeG asegura que a última semana de campaña será decisiva, “na medida en que se vaia mobilizando o electorado progresista que está quentándose, que está motivándose e mobilizándose".
"Ante a dimensión do rebrote, débense concentrar todos os esforzos en atallalo", di o Bloque, que subliña que "non se pode someter á veciñanza da comarca ao dilema de escoller entre a preservación da súa saúde e o seu dereito ao voto".
Yolanda Díaz e Pablo Iglesias acompañaron en Vigo a Antón Gómez Reino nun mitin no que o candidato de GeC acusou de "irresponsabilidade" ao presidente da Xunta pola súa xestión do brote de coronavirus. "É importante visualizar que existe unha alternativa das tres forzas progresistas para activar o voto da esquerda", dixo.
A candidata do BNG salienta en Ferrol que Galicia necesita "un goberno que non se limite a facer promesas que nunca chegan a nada" e acusa a Feijóo de "improvisación" e "escapismo" ante o rebrote de coronavirus da Mariña.
“Votar será tan seguro como ir á farmacia, será como levar Galicia á Farmacia”, di o invitado do PP nun mitin no que o candidato asegura que evitou “todas as multas da UE” polo atraso das depuradoras malia que a Xunta ten que pagar 4 millóns
O presidente da Xunta nomeou en diversas ocasións Executivos con xente que ata ese momento carecía de experiencia na administración. A pesar diso, o líder do PPdeG sitúa a "experiencia" como un valor da súa proposta fronte ás alternativas da oposición.
As cinco enquisas publicadas este domingo coinciden en outorgar a Núñez Feijóo unha clara vitoria, movéndonse entre os 39 e os 43 escanos. Os socialistas son a segunda forza en todas as sondaxes, co BNG moi preto en catro delas. Galicia en Común obtería entre 2 e 6 escanos.