Fálase

Rinoceronte Editora reforza a súa aposta polas ferramentas de consulta en aberto e suma dous dicionarios ademais de actualizar o Dicionario Castelán-Galego. A editora con sede en Cangas do Morrazo presenta un dicionario de latín-galego baseado na aplicación para dispositivos móbiles Latingal, desenvolvida por José Carracedo Fraga e Raúl Gómez Pato, con máis de 24.000 entradas; e un dicionario etimolóxico para saber máis sobre a procedencia das palabras galegas, que conta cunhas 4.000 entradas e unha bibliografía –que tamén compartirán no seu sitio web– grazas ao traballo de David Rebolo Magariños.

• HEMEROTECA | Rinoceronte lanza o seu dicionario online castelán-galego, con máis de 27.000 entradas 

PP e PSdeG votan en contra da ILP que pedía a corrección da letra do himno galego. A proposta impulsada por Vía Galega e Galiza Cultura fora asinada por unhas 16.000 persoas e só recibiu o apoio do BNG. 

• Case 16.000 sinaturas apoian a iniciativa para corrixir a letra do himno de Galicia
• Así naceu o himno galego. 111 anos de popularización, exilio e máis ou menos estrofas

No Día Europeo das Linguas, a Real Academia Galega reclama que a presenza do galego nas institucións se estenda á UE de acordo cos "valores que inspiran a construción europea". Henrique Monteagudo, coordinador do Seminario de Sociolingüística, celebra nun artigo o "avance moi significativo" que supón o uso da lingua propia no Congreso, "asumindo integralmente o pluralismo lingüístico dos pobos que compoñen o Estado". 

• Pedro Sánchez apela a Rosalía e defende o uso do galego no Congreso: "Era imprescindible"
• De reducilo e usalo como ariete político a negarlle espazo: o trato ao galego sinala a PP e Xunta 15 anos despois

Castro Caldelas repetirá o 26 de novembro as súas eleccións municipais. A xunta electoral decidira a repetición dos comicios tras non contabilizarse 118 votos por correo que poderían ter decidido o resultado. A actual alcaldesa en funcións, Sara Inés Vega (PSdeG), obtivo a maioría absoluta por 27 papeletas. 

Este luns comeza a vacinación dos bebés contra a bronquilite e a conxunta gripe-COVID dos colectivos vulnerables.

• ENTREVISTA | Federico Martinón: "Desde o momento en que pos a vacina do virus respiratorio sincitial o neno xa está protexido"

Feijóo volve saír á rúa contra Sánchez, agora acompañado de Aznar e Rajoy, dos que di que "non son o pasado, son o presente e a guía para o futuro". Dous días antes do seu debate de investidura, para o que non ten apoios, o líder popular celebra en Madrid un acto "pola igualdade de todos os españois".

• HEMEROTECA (10/2/2019) | Feijóo únese en Madrid á marcha da dereita e carga contra Sánchez por "negociar a soberanía nacional" 
• HEMEROTECA | Feijóo, por tras da pancarta trece anos despois

Inés Rey, alcaldesa da Coruña, é elixida vicepresidenta da Federación Española de Municipios e Provincias (FEMP). Tras as municipais de maio a nova correlación de forzas nos concellos a nivel estatal fai que o vigués Abel Caballero deixe a presidencia que ocupaba desde hai oito anos en favor da alcaldesa de Jerez, do PP, mentres o PSOE dá a vicepresidencia que agora lle corresponde a Rey.

O Tribunal Europeo de Dereitos Humanos admite a trámite os recursos de Junqueras e outros condenados contra a sentenza do procés. Estrasburgo dá de prazo a España ata o vindeiro 12 de xaneiro para se pronunciar. 

"#Seacabó A nosa loita é unha loita global". A selección feminina de Suecia únese á de España nas súas reivindicacións antes do partido que as enfronta en Gotemburgo.

• As rúas deixan en fóra de xogo o machismo no fútbol
• As xogadoras da selección española de fútbol, obrigadas a acudir á convocatoria baixo a ameaza de sancións

Rematan en Bértoa (Carballo) os traballos de exhumación de catro vítimas da represión franquista. A ARMH atopou catro corposo que cre que son os de Francisco Miguel Fernández Díaz, Juan Boedo Pardo, de Pedro Pinilla Calvete e o do seu pai Pedro Pinilla Fraga.

• Traballos de exhumación en Carballo buscan os restos de catro homes asasinados por pistoleiros franquistas