Feijóo non confirma polo momento se volverá participar na protesta de PP, Vox e Ciudadanos contra o Goberno de Pedro Sánchez na madrileña Praza de Colón, convocada neste caso para rexeitar eventuais indultos a líderes independentistas cataláns. Segundo o presidente da Xunta e do PP en Galicia, que secundou a mobilización de febreiro de 2019 no mesmo lugar, "isto non vai de dereitas nin de esquerdas" e pregúntase se o Goberno de España vai "facer un indulto cada semana" porque, ao seu xuízo, os líderes soberanistas cometen "un delito continuado". (Na imaxe -© PP-, Feijóo na manifestación de febreiro de 2019)
![](https://praza.gal/media/cache/live_image/uploads/colonfeijoopp-d5efe5f-79b4be5.jpeg)