Fálase

Morre aos 47 anos de idade o mestre, escritor e coñecido tuiteiro coruñés Miguel López, El Hematocrítico, a consecuencia dun infarto. "Recordarémoste sempre cun sorriso. Grazas, Hemato", despídese del a editorial Xerais, onde publicou O meu irmono, Rapunzel con piollos, Un can ou Dona problemas, entre unha vintena de obras infantís e xuvenís. O seu falecemento foi confirmado nas redes sociais pola súa parella, a tamén escritora Ledicia Costas. Hai un tempo compartiu en Praza.gal as súas visións sobre as redes sociais nesta reportaxe.

O ferrolán Miguel Tellado, novo portavoz do PP no Congreso. O que fora secretario xeral do PPdeG ocupará o posto de Cuca Gamarra. O PPdeG celebra o nomeamento da que foi "unha das grandes voces do partido que máis se parece a Galicia". 

Rueda entrega en persoa as chaves ás persoas beneficiarias de 40 vivendas públicas na Coruña.

• Os fondos UE que chegan a través do Estado permiten á Xunta disparar o orzamento de vivenda no ano electoral 
• HEMEROTECA (2020) | A conselleira de Medio Ambiente xa visitou tres veces a beneficiarios de vivendas protexidas desde que se convocaron as eleccións

A Real Academia Galega e a Fundación Barrié inician o proceso de escolla colectiva da Palabra do Ano 2023 a través do Portal das Palabras. Dende hoxe e ata o 10 de decembro poderanse realizar suxestións, da que sairán os vocábulos finalistas, que o público votará entre o 12 e o 25 de nadal. O pasado ano a palabra escollida foi comadres, un termo de evocación da sororidade froito da iniciativa dun grupo de mulleres unidas arredor dun obradoiro de literatura que a estendeu a través das redes sociais.

O PSOE seguirá gobernando Castro Caldelas tras a repetición este domingo das eleccións municipais do pasado maio. A socialista Sara Inés Vega revalidou a maioría absoluta. O anterior domingo Rueda quixo invitar a cervexas na vila malia que estaba prohibido facer campaña nesta repetición electoral.

Leilía comeza a súa xira de despedida, esta noite, no teatro Jofre de Ferrol. Anque me vou non me vou  dá nome a este último percorrido polos escenarios que supón a oportunidade para escoitar en directo temas do derradeiro disco das cantareiras, Vidas Cantadas, onde reinterpretan pezas gravadas hai 30 anos.  
 

• HEMEROTECA | Entrevista: "Chegamos a tempo para ser ponte directa entre as aldeas e o presente"

Galicia sae á rúa contra a violencia machista. Aínda que a meirande parte das mobilizacións deste 25N terán lugar cara á tardiña, ao longo do día xa foron numerosas as concentracións que tinguiron de morado as prazas galegas.  
[Foto: Galiza Nova Pontevedra]

• Un 25N contra a 'espiral de violencia' que leva a un récord de denuncias e de chamadas ao 016 en Galicia

Ana Pontón, proclamada oficialmente candidata á presidencia da Xunta. O Consello Nacional do BNG concluíu este sábado o proceso para a súa designación como candidata para as eleccións autonómicas, no que acadou case o 100% dos apoios das case 3.000 persoas que participaron nas asembleas comarcais, segundo informa Europa Press. 

• Pontón apela á mobilización desde os concellos para "darlle a Galicia unha presidenta coas mans libres"
• Pontón augura un "cambio imparable" e presenta o seu programa de goberno para "un tempo novo"

Pedro Sánchez abre a porta a que España recoñeza unilateralmente o Estado de Palestina e o ministro de Exteriores israelí acusa o Goberno español de "apoiar o terrorismo" e convoca os embaixadores para "unha dura conversa de reprimenda". Foto: Pool Moncloa/Borja Puig de la Bellacasa

• HEMEROTECA | Israel declara "inimigo" o Parlamento de Galicia

PSOE e BNG asinan o acordo de orzamentos da Coruña para 2024. As contas, de 375 millóns, entrarán en vigor o vindeiro 1 de xaneiro e priorizan as políticas sociais, a revitalización dos barrios e a mobilidade sostible.