A Pobra do Caramiñal, O Grove, Cualedro e Carballeda de Valdeorras manteranse a partir do venres no nivel máximo de restricións, segundo vén de acordar o Comité Clínico que asesora á Xunta na loita contra a Covid. Marín, Meaño, Ribadumia, Vilanova de Arousa, Padrenda, Cortegada, O Barco, Rubiá, Lobeira, Muiños, Petín, Meira, Ribeira, e Cambre situaranse no nivel alto. Mentres, Trabada, Barreiros, Lobios, Cartelle, Cambados, Catoira, Vilagarcía de Arousa, A Illa, Meis, Sanxenxo, Cangas, Gondomar, Ponteareas, Vigo, Boiro, Rianxo, Carral, Muxía, As Pontes de García Rodríguez, e Ortigueira estarán no nivel medio. O resto de Galicia quedará no nivel baixo de restricións.
![](https://praza.gal/media/cache/live_image/uploads/screenshot-2021-04-21-restricions-da-xunta-polo-coronavirus-praza-publica-174076f.png)