Fálase

A Xunta mantén Beade como único concello con peche perimetral e o resto de máximas restricións pola COVID-19 dende o vindeiro venres, 2 de abril. Dende esa mesma xornada, 11 municipios quedan no nivel alto, ao que se suman O Irixo, A Pobra do Brollón e Rábade. Mentres, Vilardevós descende ao nivel medio, ao que se engaden Moaña, Gondomar, Meis e Carral. O resto de concellos pasan ao nivel baixo ou continúan nel. Así o vén de confirmar a Consellería de Sanidade. Máis información, esta tarde en Praza.gal.

• INTERACTIVO | Mapa de restricións da Xunta pola COVID-19 dende o 2 de abril de 2021
• AMPLIAMOS 👉 Sanidade mantén un só concello pechado pola COVID e constata estabilidade xeral da pandemia agás na área de Vigo

O alcalde de Ames, José Miñones, será o novo delegado do Goberno de España en Galicia en substitución de Javier Losada, segundo conta Radio Galicia-Cadena SER Losada ocupaba o cargo dende xuño de 2018, apenas dúas semanas despois da moción de censura tras a que Pedro Sánchez chegou por primeira vez á presidencia do Executivo.

• AMPLIAMOS 👉 O Goberno de España encomenda a súa delegación galega a José Miñones en substitución de Javier Losada

Logran reflotar e desencallar o Ever Given, o cargueiro que estaba a atrancar o canal de Suez dende a pasada semana, obstaculizando o tráfico marítimo mundial. (Imaxe: Vessel Finder)

Beade é a partir deste luns o único concello no nivel máximo de restricións pola COVID-19 e, polo tanto, con peche perimetral. Sanidade volverá revisar a evolución da pandemia e as restricións a aplicar este martes.

• MAPA INTERACTIVO | Podes consultar aquí o nivel de restricións para cada concello a partir da medianoite do domingo ao luns

Este domingo cambia a hora e ás 2:00 serán as 3:00. Hai dous anos o Goberno central decidiu manter de momento a diferenza entre os horarios de verán e inverno e será a UE a que decida o futuro desta medida.

A prevalencia da variante B.1.1.7 (descuberta no Reino Unido) en Galicia supera o 92%, segundo o último dato publicado polo Ministerio de Sanidade, porcentaxe semellante á rexistrada en Asturias, Cantabria ou Navarra. A finais de febreiro a prevalencia da variante xa se situaba en Galicia no 80%.

• "Debería analizarse o xenoma de todos os positivos que se atopen en Galicia para saber máis sobre as novas variantes"

Un incendio na fábrica de Stellantis (PSA) en Vigo obriga a parar a produción. O fogo declarado na planta de pintura non provocou danos persoais, tras seren desaloxadas 300 persoas. 

“Éche o que hai”: o Festival PortAmérica apraza a 2022 a súa seguinte edición porque non ve garantido que este verán o público “viva unha experiencia plena”. A organización ofrece a devolución da entrada a quen xa a comprase ou manter a súa validez para o próximo ano.

Beade será a partir do luns o único concello no nivel máximo de restricións e, polo tanto, con peche perimetral. Vén de anuncialo a Consellaría de Sanidade despois da xuntanza do Subcomité Clínico. No nivel alto estarán Maside, Vilardevós, Cortegada, Abegondo, Ortigueira, O Saviñao, Baiona, Sanxenxo, Pazos de Borbén e Padrenda. E no nivel medio ficarán Arteixo, Bergondo, Betanzos, Boimorto, Camariñas Cangas, O Carballiño, Carral, Celanova, A Coruña, Culleredo, A Laracha, Laxe, Neda, Pantón, Ribadavia, Sober e Xinzo de Limia.

• MAPA INTERACTIVO | Podes consultar aquí o nivel de restricións para cada concello a partir da medianoite do domingo ao luns
• Galicia chega ás portas da Semana Santa cos mellores datos de COVID dende agosto pero co medo a unha cuarta vaga

Galicia recibirá 234,5 millóns das axudas directas do Estado para pemes e autónomos, segundo vén de publicar o BOE, que detalla a repartición entre as comunidades dos 7.000 millóns de euros destinados a paliar os efectos da COVID.