Fálase

Beade será a partir do luns o único concello no nivel máximo de restricións e, polo tanto, con peche perimetral. Vén de anuncialo a Consellaría de Sanidade despois da xuntanza do Subcomité Clínico. No nivel alto estarán Maside, Vilardevós, Cortegada, Abegondo, Ortigueira, O Saviñao, Baiona, Sanxenxo, Pazos de Borbén e Padrenda. E no nivel medio ficarán Arteixo, Bergondo, Betanzos, Boimorto, Camariñas Cangas, O Carballiño, Carral, Celanova, A Coruña, Culleredo, A Laracha, Laxe, Neda, Pantón, Ribadavia, Sober e Xinzo de Limia.

• MAPA INTERACTIVO | Podes consultar aquí o nivel de restricións para cada concello a partir da medianoite do domingo ao luns
• Galicia chega ás portas da Semana Santa cos mellores datos de COVID dende agosto pero co medo a unha cuarta vaga

Galicia recibirá 234,5 millóns das axudas directas do Estado para pemes e autónomos, segundo vén de publicar o BOE, que detalla a repartición entre as comunidades dos 7.000 millóns de euros destinados a paliar os efectos da COVID. 

A Xunta di que apoiará ou presentará ata 354 proxectos aos fondos europeos de recuperación Next Generation "cos que se poderían mobilizar 19.698 millóns de euros". Así o afirmaron Feijóo e todos os membros do Goberno na rolda de prensa posterior a reunión semanal do Consello, onde o presidente da Xunta confirmou que non prevé, polo momento, facer público de que proxectos se trata nin que empresas participan neles. Iso, di, sucederá "cando teñamos xa pechados definitivamente os listados". 247 corresponderían ao "sector público" e 107 ao privado, di, nun contexto no que reclama ao Goberno de España que como "árbitro" non "inflúa no resultado" no reparto dos fondos. (Foto: David Cabezón / Xunta)

• HEMEROTECA | NextGenerationEU, PERTE, Proxecto tractor: guía para non perderse nas axudas á recuperación tras a COVID que chegarán a Galicia

O xulgado do Porriño conclúe que o accidente de tren na vila en setembro de 2016 se debeu a un exceso de velocidade do maquinista falecido e arquiva o caso. No sinistro morreran catro persoas, entre elas o propio condutor.

• AMPLIAMOS 👉 O xulgado considera o maquinista responsable do accidente do Porriño de 2016, que o sistema de seguridade non puido evitar
• HEMEROTECA | O maquinista volve concentrar a responsabilidade dun accidente mentres Fomento adía o sistema que puido evitalo

O Boletín Oficial do Estado publica a lei de eutanasia. Dende agora, a Xunta dispón de tres meses para constituír a comisión do Sergas que terá que avaliar cada solicitude para acollerse a este dereito.

• A Xunta ten tres meses para formar a comisión do Sergas que aplicará a lei de eutanasia

Rajoy e Aznar alegan ignorancia sobre a 'caixa B' do PP nas súas declaracións como testemuñas no xuízo que se desenvolve na Audiencia Nacional e reducen a mentiras as acusacións sobre a recepción de sobresoldos. Escasas horas antes, Feijóo negouse a responder no Parlamento sobre a contabilidade do PP que se axuíza nese mesmo proceso por estarmos "no medio dunha pandemia".

• 📺CON VÍDEO | Bárcenas atribúe á contabilidade 'b' 2 millóns en doazóns do PP galego datadas cando Feijóo xa o presidía

Beade e Maside son os únicos concellos que dende este venres ficarán no nivel máximo de restricións ante a COVID, con limitacións de mobilidade. A Xunta establece o nivel alto para Vilardevós, Ortigueira, Abegondo, Neda, O Saviñao, Sanxenxo e Baiona. E o nivel medio estará vixente en Boimorto, O Carballiño, Ribadavia, Xinzo de Limia, Bergondo, Culleredo, Ponteceso, Arteixo, A Coruña, A Laracha, Betanzos, Camariñas, Laxe, Valdoviño, Coles, Soutomaior, Cangas, Sober e Pantón. O resto de Galicia queda no denominado "nivel medio-baixo", despois da xuntanza do Comité Clínico que vén de rematar.

• MAPA INTERACTIVO | Podes consultar aquí o nivel no que queda cada concello e as restricións aplicadas en cada lugar

As escolas infantís públicas da Xunta inician a reserva de praza, aberta ata o 12 de abril. O Goberno galego publica este martes no DOG o comezo do procedemento tanto para os centros da Axencia Galega de Servizos Sociais como do Consorcio Galego de Servizos de Igualdade e Benestar que comparte cos concellos.

• HEMEROTECA | Ter un bebé en Galicia: Garderías que non concilian

A Xunta mantén só a Asturias, Madrid, Euskadi e Catalunya na lista de comunidades coa obriga de control pola COVID de viaxeiros que cheguen a Galicia. Unha nova actualización da anterior listaxe de territorios publicada hai dúas semanas segue a contemplar o rexistro de viaxeiros para Francia pero xa non para Portugal.

DOCUMENTO | Así se distribúen as prazas da Oferta Pública de Emprego para 2021 que a Xunta formulou aos sindicatos. Na liña do avanzado, as prazas de acceso libre para as diferentes categorías roldan o milleiro. Podes consultar o detalle nesta ligazón. Na imaxe, exames de oposicións en Silleda, a pasada fin de semana.