Un monólito homenaxeará dende o sábado en Foz a memoria de Ceferino Díaz, o histórico referente galeguista do PSdeG falecido en 2012. Poucos meses antes do seu falecemento, Díaz reflexionaba nesta entrevista en Praza, realizada poucos meses antes do seu falecemento, sobre o país e a súa política ao fío do trixésimo aniversario do autogoberno galego.
ENQUISA | Outro inquérito augura que o PP será o gran beneficiado da repetición das xerais achegándose aos 100 escanos a costa de Ciudadanos e Vox mentres o PSOE podería perder dous. Segundo GAD3 para ABC, o partido de Errejón entraría no Congreso con 9 escanos, case os mesmos que perderían Unidas Podemos e os socialistas. Os pactos seguirían sendo imprescindibles e mesmo máis complexos para gobernar.
A xuíza Pilar de Lara pecha a instrución do caso Garañón co procesamento de José López Orozco e José Ramón Gómez Besteiro, ademais de funcionarios e construtores, ata un total de 11 investigados. O peche da instrución chega un día antes de que o Poder Xudicial estude a posible sanción á maxistrada, expedientada hai un ano por atrasar e acumular macrocausas.
ENQUISA | O PP sería o gran beneficiado das novas eleccións xerais e volveríase achegar á barreira dos 100 escanos no Congreso fronte a un leve ascenso do PSOE. Os populares recuperarían votos fundamentalmente de Ciudadanos e Vox e a suma das tres formacións ficaría lonxe da maioría absoluta, segundo o inquérito de Celeste-Tel para eldiario.es
A Compañía de Tranvías da Coruña reclama ao Concello no xulgado o pago polo mantemento do tranvía que non se utiliza desde 2011. A concesionaria esixe case medio millón de euros. Cóntao La Opinión.
O Partido Demócrata dos Estados Unidos inicia o proceso de xuízo político (impeachment) contra Donald Trump por supostas presións ao presidente da Ucraína para investigar o demócrata Joe Biden.
Anxo Quintela logra o Premio Nacional de Xornalismo Cultural que concede o Ministerio de Cultura. O xurado destaca a "traxectoria" do xornalista da Radio Galega en "múltiples campos do xornalismo cultural en lingua galega".
O Supremo dá luz verde á exhumación de Franco do Valle de los Caídos e o traslado dos restos do ditador ao cemiterio proposto polo Goberno de España, no barrio madrileño de El Pardo. Na imaxe, tirada do No-Do, Francisco Franco na inauguración do mausoleo en Cuelgamuros.
En liberdade con cargos dúas das nove persoas detidas en Catalunya ás que a Audiencia Nacional atribúe delitos como terrorismo ou rebelión. A Fiscalía di ter a "certeza" de que preparaban accións violentas. Diversas mobilizacións rexeitaron estas detencións no serán do luns.
Convocada para o 17 de novembro a repetición das eleccións municipais na mesa electoral de Burela onde foron anuladas as do 26M. Aínda que esta nova votación non porá en cuestión a alcaldía do socialista Alfredo Llano, a súa demora si está a dificultar a actividade cotiá do Concello.
