A Xunta anuncia que abre expediente sancionador a Endesa por "desatender" os seus requirimentos para arranxar os problemas de turbidez e contaminación no río Eume creados pola xestión dun dos seus encoros. Foto: Adega.
Fálase
-
A aplicación galega PassCOVID, complementaria da estatal Radar Covid de rastrexo de contactos, comezará a funcionar este sábado. Feijóo anuncia que a aplicación permitirá enviar avisos a persoas que rexistren o seu paso por determinados locais se posteriormente se detecta que por alí pasou algún caso activo.
O artigo 'A cardiopatía de Xulia', publicado por Diego Giráldez en Praza.gal, finalista do Premio de Xornalismo Fernández del Riego, que convoca Afundación. Os outros traballos finalistas foron publicados por Miriam Ferradáns en Sermos Galiza Cristina Pato en La Voz de Galicia
Membros de todos os grupos do Parlamento poñen a vacina da gripe para animar a cidadanía a solicitala e subliñar a súa importancia nun inverno que virá marcado pola confluencia deste virus coa COVID-19. Na imaxe, a vicevoceira do BNG, Olalla Rodil, en presenza do presidente do Parlamento, Miguel Santalices, e do conselleiro de Sanidade, Julio García Comesaña.
- María José Pereira, xefa de Medicina Preventiva do CHUAC: ″Cómpre poñer esforzos en enfermar o menos posible da gripe; a combinación coa COVID-19 pode complicar moito a situación"
A asociación veciñal do barrio coruñés de Labañou presentou na Xunta as alegacións en contra do proxecto urbanístico das Percebeiras. O colectivo recibiu o apoio da Marea Atlántica e do BNG, así como de máis de 30 entidades sociais, culturais ou veciñais da cidade que rexeitan tamén un plan que prevé 12 edificios e importantes alturas ao pé do mar.
O Goberno de Asturias anuncia que a comunidade autónoma volve á fase 2. As reunións sociais e familiares redúcense a seis persoas, prohíbense os eventos e actos e non se permite o consumo en barra nin en mesas se hai máis de seis persoas.
Portugal volve decretar o estado de calamidade, como ao comezo da pandemia do coronavirus, e limita as reunións a cinco persoas. O Goberno portugués, que ata agora mantiña o inferior estado de contingência, pasa agora a recomendar máscara tamén na vía pública.
O Sergas avanza que a vindeira semana ultimará un "protocolo específico" para regular as medidas da COVID19 nas visitas aos cemiterios por Todos os Santos e Defuntos. "Somos conscientes da sensibilidade" da data e "estamos revisando uns criterios xerais de movementos nese día", sinala o conselleiro de Sanidade, Julio García Comesaña. Máis información sobre o máis destacado da comparecencia, hoxe en Praza.gal
O Supremo confirma a condena ao PP polo caso Gürtel pero elimina as alusións á súa caixa B por estar sendo axuizada noutro proceso. A sentenza foi ditada en maio de 2018 e precipitou a moción de censura contra o Goberno de Mariano Rajoy. O principal condenado, Francisco Correa, mantense en 51 anos de prisión e o que fora secretario de organización do PP galego, Pablo Crespo, queda nunha condena de algo máis de 36 anos. Nesta ligazón, todas as condenas.
Unha mancha de fuel fai activar o plan anticontaminación na ría de Arousa. O vertido ten unha extensión de 1.300 por 500 metros e foi avistado por un avión de Salvamento Marítimo. Ampliamos a información neste espazo
