Os colexios Saco e Arce, Marcos da Portela e Fernández Latorre, de Ourense, A Coruña e Pontevedra, gañan o concurso ‘Contádenos o voso Día das Letras de Ricardo Carvalho Calero’. Parte dos seus traballos poden verse nos vídeos enlazados no nome de cada centro.
Fálase
A xustiza suspende o adiamento das eleccións catalás, que volven ser o vindeiro 14 de febreiro. O Superior catalán bota abaixo a intención do Govern de celebrar os comicios o 30 de maio. En Galicia, os comicios previstos para o 5 de abril foron aprazados ao mes de xullo.
Acordo entre empresarios e sindicatos para prorrogar os ERTE ata o 31 de maio. A CEOE dá ao visto e prace que xa deran as centrais. En Galicia hai máis de 30.000 persoas acollidas a un expediente deste tipo.
A Xunta endurece as restricións nos concellos de Arteixo, Viveiro e Xinzo pola alta incidencia do coronavirus con medidas adicionais ao nivel máximo de alerta. Nestes tres municipios, a hostalería terá que pechar "por completo" e será suspendida toda actividade "non esencial", aspecto que Sanidade aclarará esta mañá pero que, avanza, inclúe "ximnasios, establecementos de xogo, todos os espectáculos públicos e as bibliotecas". Máis información, esta mañá en Praza.gal. Na imaxe, vista de Viveiro (© Turismo de Galicia)
Hoxe, 19 de xaneiro, entra en vigor a nova lei educativa. Isto é o que di (e o que non) sobre a escola privada e a pública, os idiomas oficiais ou os criterios para pasar de curso, entre outras mudanzas
Chega a Galicia unha nova remesa das vacinas de Pfizer contra a COVID-19 para continuar o proceso de vacinación. Sen contar esta nova remesa, o Sergas levaba recibidas 57.880 doses e administrara o 97,6% delas, segundo datos do Ministerio de Sanidade, que tamén recolle que, a data deste 18 de xaneiro, 150 persoas xa recibiran as dúas doses en Galicia (Imaxe: Delegación do Goberno de España en Galicia)
Os Premios de Teatro María Casares adían a convocatoria da súa 25ª edición "ante a incerta perspectiva de poder desenvolver con garantías o normal funcionamento do certame e a súa entrega" por mor da pandemia de Covid-19, indica a Asociación de Actores e Actrices de Galicia, organizadora dos galardóns. A gala de entrega debía celebrarse ao redor do 27 de marzo, Día Mundial do Teatro
Múltiples persoas dan conta dun forte resplandor de luz no ceo que, a pasada madrugada, foi divisado dende diversos puntos de Galicia, do Bierzo e do norte de Portugal. Nalgúns casos, aseguran que o resplandor foi acompañado dun forte ruído. Un suceso semellante, en abril de 2020, resultou ser efecto dun fragmento dun foguete ruso Soyuz. (Imaxe: Google Maps)
Nieves Cabo, a primeira muller vacinada contra a COVID en Galicia, recibiu xa a segunda dose 21 días despois de serlle administrada a primeira, o pasado 27 de decembro. O Sergas comeza así a inmunización, que prevé total entre anciáns de residencias, grandes dependentes e persoal sanitario contra a COVID no mes de marzo.
O BNG denunciará en Europa o novo plan de transporte escolar no Courel. A portavoz do Bloque en Bruxelas, Ana Miranda, presentará unha iniciativa na Comisión de Peticións da Eurocámara para denunciar a discriminación causada polo sistema ao “vulnerar o dereito á igualdade no acceso á educación". Anunciouno tras reunirse cos afectados en Folgoso.
