Fálase

A Comisión Europea calcula unha recadación duns 140.000 millóns de euros coas medidas para "limitar os ingresos" das grandes eléctricas. "Nos tempos que vivimos non pode ser que algúns obteñan uns beneficios extraordinarios e sen precedentes grazas á guerra e a costa dos consumidores", defendeu a presidenta, Ursula Von der Leyen, durante o seu discurso no Debate sobre o Estado da Unión, que se desenvolve na sede do Parlamento Europeo en Estrasburgo. Esa cantidade sería o resultado de sumar a limitación de prezos no mercado a fontes enerxéticas como as renovables e a nuclear -independente do tope ibérico ao gas- e un imposto sobre os beneficios extraordinarios ás eléctricas que producen con combustibles fósiles. [Imaxe: © UE]

• AMPLIAMOS 👉 A UE chama ao aforro enerxético e recortará os beneficios das eléctricas: "O mercado xa non funciona"
• O prezo dos combustibles repunta en Galicia no final de agosto logo de dous meses de descenso
• Sánchez anuncia impostos extra a enerxéticas e bancos, trens de balde e máis bolsas para combater a crise de prezos

🔊Xa abonda de ruído... Volve o Fálase de Praza.gal

• 🎧Escoita aquí todos os episodios

O pleno do Congreso aproba por folgada maioría absoluta (187 a prol, 153 en contra e 8 abstencións) o primeiro trámite da lei para fixar novos impostos á banca e grandes compañías enerxéticas, unha das medidas anunciadas por Pedro Sánchez para afrontar a crise de prezos. [Imaxe: © Congreso]

• HEMEROTECA | Sánchez anuncia impostos extra a enerxéticas e bancos, trens de balde e máis bolsas para combater a crise de prezos
• HEMEROTECA | Escotet critica o imposto á banca e Sánchez confírmao: "Imos na boa dirección se os bancos protestan"

Rueda encomenda ao vicepresidente Conde o "despacho" dos asuntos ordinarios da consellería de Política Social durante a licenza por maternidade da conselleira, Fabiola García. Faino oficial este mércores mediante a publicación do correspondente decreto no DOG.

As conclusións da proposta enerxética remitida pola dirección do PP ao Goberno de España esta semana están copiadas dun documento da Xunta. É unha información de elDiario.es

• HEMEROTECA | O Goberno de Feijóo recomendou limitar a calefacción a 19 graos e o aire acondicionado a 25 para aforrar enerxía
• HEMEROTECA | A Xunta pagou 8.000 euros polo informe sobre ocupación de vivendas, que reproduce parágrafos enteiros dunha lei do PP de Castilla-La Mancha

Morre aos 91 anos Jan-Luc Godard, símbolo e fundador da Nouvelle Vague e autor de filmes como À bout de souffle, Vivre sa vie, Bande à part, Week-end ou Film Socialisme

A inflación pechou agosto en Galicia cunha suba interanual do 11%, medio punto por riba da media estatal e medio punto menos que en xullo, segundo vén de divulgar o INE. A suba interanual do prezo dos alimentos sitúase no 12,4% (catro décimas menos que un mes antes e 1,4 puntos menos que na media) e os custos asociados ao fogar, incluíndo a luz, dispáranse ata o 29,2% (1,1 puntos máis que en xullo e 5,6 puntos máis que na media). [Imaxe: CC-BY-SA Victoriano Izquierdo / Unsplash]

• AMPLIAMOS 👉 A inflación en Galicia sitúase no 11% e segue medio punto por riba da media estatal
• A cesta da compra "sa" e a prezo moderado que pretende o Estado: ovos, peixe, carne, hortalizas e lácteos

O Supremo adía "sen data" a votación sobre se mantén ou revoga a anulacón da prórroga de Ence para permanecer á beira da ría de Pontevedra, inicialmente prevista para o 4 de outubro, segundo comunicara a propia empresa aos mercados financeiros e aos seus accionistas. A razón esgrimida para atrasar a decisión é que aínda están "en tramitación" os recursos contra a segunda das tres sentenzas que anularon a prórroga.

• HEMEROTECA | A Audiencia Nacional ratifica noutra sentenza a anulación da prórroga de Rajoy a Ence á espera do ditame definitivo do Supremo
• HEMEROTECA | Ence comeza a achegarse ás Pontes antes de saber se terá que marchar de Pontevedra

Entre 150.000 persoas -segundo a Garda Urbana de Barcelona- e 700.000 -segundo os organizadores- maniféstanse na marcha da Diada de Catalunya, convocada pola Assemblea Nacional Catalana, nunha xornada marcada pola división das forzas independentistas.

Docentes e familias maniféstanse en Compostela contra os despedimentos e os recortes no ensino, convocadas pola CUT. O sindicato denuncia o recorte "en máis de 900 prazas estruturais anuais" e a "imposición" da impartición de materias alleas á súa especialización docente. A central alerta de que os recortes levaron ao despedimento do persoal interino de longa duración "cando se está a piques de convocar o proceso para a súa estabilización".