Falece aos 76 anos o cantautor italiano Franco Battiato. O emblemático artista estaba enfermo levaba retirado uns tres anos da vida pública. (Imaxe: Ale3me)
Fálase
-
A Marcha Mundial das Mulleres denuncia o ataque a pasada noite ao mural feminista da Gran Vía de Vigo e condena "a misoxinia, machismo e fascismo" da acción
A Serra da Groba acolleu este domingo unha importante mobilización contra os proxectos eólicos previstos na zona, que suporían 44 aeroxeradores e 4 subestacións. Foto: @galizanova.
O Sergas prevé que toda Galicia estea inmunizada a final de ano e quere iniciar a vacinación de nenos e adolescentes contra a fin do verán, segundo asegurou a directora xeral de Saúde Pública en Radio Galicia.
Lorenzo Milá e Manuel Rico recollen os premios José Couso de xornalismo 2020 e 2021 nunha cerimonia que o pasado ano non se puido celebrar pola pandemia.
A Xunta adxudica o seguro co que quere cubrir a turistas que contraian a COVID en Galicia con coberturas que van de 500 a 15.000 euros
A Fiscalía de Pontevedra recorre ante o Tribunal Supremo a sentenza que anulou a condena a Audasa a devolver as peaxes cobradas polos atascos en Rande. O Ministerio Público solicita anular o ditame da Audiencia e que o Supremo dite unha sentenza "no sentido da demanda orixinal" e na liña do xulgado do Mercantil que condenara a concesionaria da AP-9 a retornar os cartos. (Imaxe: © Miguel Riopa/Audasa)
Un incendio en oficinas municipais do Concello de Santiago, na rúa do presidente Salvador Allende, obriga á intervención dos Bombeiros. Os servizos de emerxencia actuaron no foco, de pequenas dimensións, escasos minutos despois de que se declarase e saltase a alarma da instalación, e dérono controlado sen dificultades. Descoñécese, polo momento, a orixe das lapas. (Imaxe: Praza Pública)
O Diario Oficial de Galicia publica as declaracións do patrimonio do presidente da Xunta, Alberto Núñez Feijóo, e do resto de membros do Consello do Goberno galego. É unha publicación fixada na lei de transparencia. Pódese consultar aquí.
O pleno do Congreso aproba definitivamente a Lei de Cambio Climático por ampla maioría. A norma establece, entre outros aspectos, obxectivos concretos de reducións de emisións contaminantes, zonas de baixas emisións nas cidades ou control dos vehículos de combustión.
