Fálase

Tanxugueiras pechará a xira de Diluvio no Coliseum da Coruña. Sabela Maneiro, Aida Tarrío e Olaia Maneiro actuarán o sábado 16 de decembro acompañadas por Rozalén, Guadi Galego, Rayden, Muerdo, Valeria Castro e Mondra, que abrirá a cita. "Este será o concerto máis significativo que daremos ata a data", salientaron as artistas na presentación do concerto xunto á alcaldesa da Coruña, Inés Rey, este martes. As entradas saen á venda este venres no sitio web do grupo. [Foto CC-BY-SA Concello da Coruña] 

• EN VINTE | Crónica das Tanxugueiras en Vigo
• ENTREVISTA | "A xente que pensa que somos un grupo que fai música 'mainstream' está súper equivocada"

Feijóo e Sánchez reúnense este mércores no Congreso. O popular pedirá ao socialista que o deixe gobernar e o segundo faralle ver que non conta cos apoios necesarios.

• Soutomaior como placebo, ou por que a Deputación de Pontevedra non é a Moncloa
• HEMEROTECA | Pactar con Feijóo: do Estatuto bloqueado e os Valedores falidos ao Poder Xudicial do Estado

Colectivos feministas galegos convocan concentracións en apoio á futbolista Jennifer Hermoso ás oito deste serán en diferentes vilas e cidades. Na imaxe, as mobilizacións actualizadas a esta hora. 

• Louzán centra as críticas en Galicia da mobilización contra o machismo no fútbol
• Galicia érguese contra o machismo no fútbol

O Ministerio de Transportes asina o contrato de obras da remodelación do denominado nó dos bombeiros, o acceso norte á cidade de Pontevedra desde a AP-9, que enlaza tamén a estrada a Vilagarcía. A actuación suporá un investimento de 9,5 millóns de euros. [Imaxe: POL-Xunta CC-BY-NC-SA]

As fins de semana de agosto Praza.gal non se actualiza por descanso do persoal. Pero deixamos moito para ler e o luns estamos de volta 🙂

Luis Rubiales, presidente da Federación Española de Fútbol, rexeita dimitir tras os seus comportamentos machistas e preséntase como unha vítima. O máximo dirixente do fútbol español carga contra a "gran lacra do falso feminismo" e só considera equivocado tocarse os testículos no palco da final do mundial. [Imaxe: RFEF]

• AMPLIAMOS | Galicia érguese contra o machismo no fútbol
• Feijóo relativiza o machismo de Rubiales e di que hai que falar "tamén" das reducións de condena pola lei do 'só si é si'
• OPINIÓN | Verónica Hermida: O rei fútbol está espido

Tere Abelleira recibiu este xoves varias homenaxes en Pontevedra tras gañar a Copa do Mundo de fútbol. A futbolista foi recibida polo Concello e a federación galega. [Imaxe: Futgal]

• Tere Abelleira: o fútbol galego xa ten o seu campionato do mundo

A circulación dos trens á altura de Vilarmartín de Valdeorras permanece cortada polo accidente dun tren de mercadorías que levaba material perigoso. Segundo informa Adif a Europa Press, prevé recuperar a circulación no tramo Ponferrada-Monforte de Lemos entre Vilamartín de Valdeorras e A Rúa-Petín na mañá deste venres. Mentres tanto, as viaxes que pasan por este punto realízanse en parte por autobús para salvar o tramo das vías afectado, do que xa foron retirados os vagóns. [Imaxe das vías do tren en Monforte CC-BY-SA Praza Pública]

Unha placa lembra desde este mércores o lugar no que naceu o Celta, na agora biblioteca Juan Compañel, coa fusión hai cen anos do Sporting Club e o Fortuna. Ao malestar de parte da afección polos actos organizados polo centenario engádense agora críticas por diversas incorreccións lingüísticas.

O descarrilamento dun tren de mercadorías perigosas derrama argón líquido á altura de Vilarmartín de Valdeorras e fai que a Xunta active o plan de Protección Civil para este tipo de accidentes. "Os medios e recursos da zona fan fronte á situación, con ferramentas para a contención e control do derrame sen riscos", segundo informa o Goberno galego. Adif traslada que permanece interrompida a circulación de trens no tramo Ponferrada-Monforte de Lemos entre Vilamartín de Valdeorras e A Rúa-Petín. Tanto Protección Civil como os bombeiros e o GES de Valdeorras participan na retirada deste material que se emprega na fabricación de metais. [Na imaxe, trens de mercadorías na estacion de Monforte Dominio Público Google Street View]