Fálase

O Celta celebra este mércores o seu centenario, froito da fusión en 1923 do Vigo Sporting e o Fortuna, con dous actos restrinxidos. O club, agora baixo a figura dunha sociedade anónima deportiva controlada polo empresario Carlos Mouriño, lembrará a fusión na biblioteca Juan Compañel, edificio no que se asinou hai cen anos, e na súa nova cidade deportiva en Mos, iniciada de xeito ilegal. O venres o estadio de Balaídos acollerá máis celebracións coincidindo cun partido contra o Real Madrid e o mércores da próxima semana celebrarase un partido de lendas do club. [Imaxe: RC Celta SAD]

As dúas candorcas avistadas este domingo na ría de Arousa, xa identificadas, non foron nunca observadas interaccionando con barcos. A Coordinadora para o Estudo dos Mamíferos Mariños (CEMMA) informa de que o grupo internacional de investigación da candorca atlántica identificou os exemplares como Gael e Prior, de 10 e 6 anos, e non formarían parte das candorcas denominadas como Gladis, as relacionadas con interaccións con embarcacións. [Imaxe: Pablo Covelo/CEMMA]

• HEMEROTECA | As candorcas regresan á costa galega. Que facer ante unha interacción cun veleiro?

Lontreira, o trío galego formado por Rotce, Adri Coyote e Iván Barral, está na lista das 100 cancións favoritas para Eurovisión 2024 da enquisa 'La Elección Interna' do colectivo Eurovisión-Spain, a mesma que situou as Tanxugueiras como favoritas para participar no festival europeo. A banda xa está a preparar un tema "por suposto cantado en galego" para presentarse á preselección do Benidorm Fest. 

• EN VINTE | Lontreira. Vivir entre dous mundos

A Xunta eleva a laranxa a alerta por altas temperaturas para este martes e mércores no val do Miño, onde haberá máximas de ata 40 graos. O nivel amarelo esténdese por gran parte do resto de Galicia.

• HEMEROTECA | A crise climática xa está aquí: 300 días de temperaturas anormalmente altas en 2022
• Unha ducia de lugares nos que pasar unha vaga de calor

Desde este luns e ata o 29 de agosto o servizo ferroviario entre Ourense e Santiago está suspendido e os pasaxeiros serán trasladados en autobús pola activación do sistema de seguridade ERTMS.

• Adif tarda unha década en completar a seguridade na curva de Angrois, na que o accidente xa non se podía repetir
• HEMEROTECA | Por que non é (tan) importante (agora) a ampliación do ERTMS ata a curva de Angrois?

Este luns hai aviso amarelo por altas temperaturas no val do Miño e Valdeorras e o martes esténdese a gran parte da provincia de Ourense e o sur de Lugo. [Imaxe: Meteogalicia]

As fins de semana de agosto Praza.gal non se actualiza por descanso do persoal. Pero deixamos moito para lerdes e o luns estamos de volta 🙂

Así soan as Tanxugueiras en catalán. O grupo publica o vídeo de Més fort, a versión de Stronger, de Kelly Clarkson, coa que participaron en La Marató, o programa benéfico de TV3 e Catalunya Ràdio dedicado na súa edición de 2022 a contribuír á loita contra as doenzas cardiovasculares.

• ENTREVISTA | "A xente que pensa que somos un grupo que fai música 'mainstream' está súper equivocada"

Sanidade confirma a detección de dous exemplares de mosquito tigre en Lavadores (Vigo). Foi posible detectalos a través dun aviso mediante a aplicación Mosquito Alert, tal e como sucedera a principios de mes cos achados en Moaña, os primeiros dos que se tivo constancia en Galicia. A Consellería subliña que "ningún dos exemplares identificados en Moaña ou Vigo teñen vinculación con enfermidades transmisibles ás persoas" e engade que no comité técnico que monitoriza a presenza desta especie "a área sanitaria de Vigo confirmou que non houbo un incremento significativo no número de picaduras de insecto tratadas nos centros de saúde da comarca do Morrazo".

• A primeira detección do 'mosquito tigre' en Galicia activa os protocolos de prevención das doenzas que transmite 

Este xoves é o Día da Galiza Mártir, que na data do fusilamento de Alexandre Bóveda en 1936 lembra a todas as persoas represaliadas polo franquismo. A Caeira, en Poio, o lugar onde foi asasinado, acollerá un acto institucional.

• AMPLIAMOS 👉 O Día da Galiza Mártir gaña peso institucional con Bóveda como símbolo da democracia asasinada polos golpistas
• HEMEROTECA | O Día da Galiza Mártir cumpre 80 anos sen oficializar pero cada vez máis "institucionalizado"
• O Estado anula a condena franquista a Plácido Castro e declara oficialmente o seu "recoñecemento e reparación persoal"