A organización do festival O Son do Camiño traslada que catro das persoas feridas polo derrumbe do escenario principal durante a a montaxe recibiron a alta hospitalaria. Así, sinalan que os dous traballadores que continúan no hospital de Santiago polo sinistro que tivo lugar na mañá do venres “evolucionan favorablemente”. O director xeral de Emerxencias e Interior, Santiago Villanueva, manifestou que un deles está na UCI, cun prognóstico “favorable”. "O Son do Camiño segue adiante e celebrarase nas datas previstas", engade a organización.
![](https://praza.gal/media/cache/live_image/uploads/derruba-osdc4-89e2649-8691110.jpeg)