Fálase

Otelo Saraiva de Carvalho, capitão de abril, morre aos 84 anos no Hospital Militar de Lisboa. Foi un dos impulsores da Revolução dos Cravos.

• HEMEROTECA | Otelo Saraiva de Carvalho: Instrucións para facer unha revolución

O BNG recibe delegacións nacionalistas e soberanistas na véspera do Día Nacional de Galicia, entre elas a de ERC encabezada por Oriol Junqueras xusto un mes despois de saír da cadea tras os indultos do Goberno de España aos líderes do procés catalán.

"O Samil é Portugal!". A canción do verán do portugués Quim Barreiros, man con man cos galegos Os Vacalouras, reivindica en ton festeiro que a popular praia viguesa realmente non é "de Ourense" nin "de Vigo" porque foi "conquistada legalmente pela gente do sul do Minho".

Feijóo inaugura o seu quinto mandato como presidente do PP en Galicia acusando o Goberno de España de "ocuparse só de avaliar canta tenreira comemos ou de falar de Franco, da matria ou de niñes" mentres "o país pensa na pandemia". Afirmouno na primeira reunión do comité de dirección do partido tras a súa elección no congreso da formación. O propio Feijóo, en calidade de presidente da Xunta, utilizou o termo "matria" antes de que o PP, nas últimas semanas, cargase contra a vicepresidenta Yolanda Díaz por empregalo.

• Feijóo, reelixido no PPdeG co 98% dos votos, di ter "ganas de máis" e de facer presidente a Casado

Ás 13.00 horas galegas deste venres comezan en Toquio os Xogos da XXXII Olimpíada da era moderna. Aquí podes seguir en directo a cerimonia inaugural e toda a actualidade das competicións.

• HEMEROTECA | Unha ducia de éxitos e esperanzas deportivas galegas 

Alberto Lema, gañador do XXXIII premio de novela Manuel García Barros pola súa obra Pazo de inverno. O xurado destaca "a súa capacidade para recrear unha ficción coas fías das loitas de poder. As esferas do empresarial, o político e o periodístico gandúxanse para tecer unha crónica de contraluces hipnóticas". O premio será entregado en decembro na Estrada e a novela publicarase na Editorial Galaxia.

A Xunta autoriza que pubs e discotecas manteñan abertas as terrazas -con 50% de capacidade- ata a 1 da madrugada nos concellos en nivel máximo e alto de restricións pola COVID-19. Feijóo limitárase a anunciar que estes locais terían que pechar neses municipios. Tamén poden reabrir casinos e bingos. Así o indica na edición extraordinaria do DOG publicada no serán do xoves, que inclúe todas as mudanzas xa anunciadas polo Goberno galego agás as relativas á restrición do dereito de reunión, que só poderán entrar en vigor se o TSXG as ratifica.

• A Xunta volve limitar encontros de non conviventes e pide test negativo ou vacina na hostalería de concellos con máis restricións

Feijóo confirma que "mañá se abre" a autocita para a vacinación contra a COVID-19 para o grupo de 16 a 19 anos con 11.000 citas para os primeiros días de agosto. O presidente da Xunta admite que "onte mesmo" estivo aberta esta autocita durante unhas "horas" e foron cubertas 6.000 citas. Faino apenas vinte e catro horas despois de asegurar que "non hai" doses para a inmunización do grupo de idade máis mozo por unha escaseza que atribúe ao Goberno de España.

• AMPLIAMOS | A Xunta abre a autocita de vacina para 16-19 anos con 17.000 doses de persoas de máis idade que calcula que non acudirán

A nova ministra de Transportes, Raquel Sánchez, inaugura a estación de alta velocidade de Seabra e ratifica que “antes de finalizar o ano” o AVE chegará a Ourense.

• 👉 AMPLIAMOS | Adif e Xunta publicitan obras complementarias ás portas da chegada do AVE, 20 anos despois da primeira pedra e 12 do Pacto do Obradoiro
• 👉 HEMEROTECA | 5 millóns para que o AVE pare nunha vila de 26 habitantes, pero non é un desbalde

Abanca logro uns beneficios de 157 millóns de euros no primeiro semestre do ano, un 18% máis que no mesmo período de 2020. Na súa presentación de resultados, o banco destaca que manexou 103.236 millóns en volume de negocio (+16%). Na imaxe, a Xunta Xeral de Accionistas da entidade, celebrada o pasado xuño.