Alberto Lema, gañador do XXXIII premio de novela Manuel García Barros pola súa obra Pazo de inverno. O xurado destaca "a súa capacidade para recrear unha ficción coas fías das loitas de poder. As esferas do empresarial, o político e o periodístico gandúxanse para tecer unha crónica de contraluces hipnóticas". O premio será entregado en decembro na Estrada e a novela publicarase na Editorial Galaxia.
Fálase
A Xunta autoriza que pubs e discotecas manteñan abertas as terrazas -con 50% de capacidade- ata a 1 da madrugada nos concellos en nivel máximo e alto de restricións pola COVID-19. Feijóo limitárase a anunciar que estes locais terían que pechar neses municipios. Tamén poden reabrir casinos e bingos. Así o indica na edición extraordinaria do DOG publicada no serán do xoves, que inclúe todas as mudanzas xa anunciadas polo Goberno galego agás as relativas á restrición do dereito de reunión, que só poderán entrar en vigor se o TSXG as ratifica.
Feijóo confirma que "mañá se abre" a autocita para a vacinación contra a COVID-19 para o grupo de 16 a 19 anos con 11.000 citas para os primeiros días de agosto. O presidente da Xunta admite que "onte mesmo" estivo aberta esta autocita durante unhas "horas" e foron cubertas 6.000 citas. Faino apenas vinte e catro horas despois de asegurar que "non hai" doses para a inmunización do grupo de idade máis mozo por unha escaseza que atribúe ao Goberno de España.
A nova ministra de Transportes, Raquel Sánchez, inaugura a estación de alta velocidade de Seabra e ratifica que “antes de finalizar o ano” o AVE chegará a Ourense.
Abanca logro uns beneficios de 157 millóns de euros no primeiro semestre do ano, un 18% máis que no mesmo período de 2020. Na súa presentación de resultados, o banco destaca que manexou 103.236 millóns en volume de negocio (+16%). Na imaxe, a Xunta Xeral de Accionistas da entidade, celebrada o pasado xuño.
O Congreso ratificou este mércores a reforma que permite non levar máscara ao aire libre se existe distancia de seguridade entre as persoas non conviventes.
O Supremo non admite o recurso da Xunta e queda ratificada a obriga de que o hospital Álvaro Cunqueiro pague IBI ao Concello de Vigo, como avalou o TSXG en maio de 2020.
O xuíz do caso Angrois completa o trámite para que un ex-xefe de Adif e o maquinista sexan xulgados polo accidente do Alvia. O xuízo, para o que aínda non hai data, terá que dilucidar se foron autores de oitenta delitos de homicidio por imprudencia grave profesional, de 145 de lesións por imprudencia grave profesional e dun delito de danos. Máis información, esta tade en Praza.gal.
A Xunta recupera a prohibición de reunións de persoas non conviventes de 1 a 6 da madrugada en concellos en nivel máximo ou alto e de 3 a 6, no resto de concellos. Tamén o veto aos encontros de máis de 6 persoas non conviventes en interiores ou 10 ao aire libre, ambas medidas se o TSXG as autoriza. Ademais, impón a obriga de amosar certificado de vacinación ou test negativo da COVID para acceder ao interior da hostalería en concellos en nivel máximo e alto. Toda a información, este mediodía en Praza.gal
Pilar Cancela, nova secretaria de Estado de Cooperación Internacional. Cancela, actualmente deputada do PSdeG-PSOE pola Coruña, foi directora xeral de Relacións Laborais da Xunta (2003 e 2005-2009) e tamén secretaria de organización do PSdeG e presidenta da súa xestora. Actualmente, é tamén responsable da área de Migracións da Executiva Federal do PSOE e mais do PSOE Exterior. O Consello de Ministros aprobou este martes o seu nomeamento.