A piragüista Teresa Portela clasifícase directamente para as semifinais olímpicas tras quedar primeira na súa serie de K1 200. Os de Toquio son os sextos Xogos Olímpicos da piragüista de Cangas.
Fálase
O viveirense Adrián Ben, clasificado para a final dos 800 metros en Toquio tras conseguir a súa segunda mellor marca de sempre e a mellor marca dun español nuns Xogos Olímpicos nas semifinais, onde foi cuarto tras unha gran remontada. Foto: Miguélez/RFEA
O viveirense Adrián Ben, clasificado para as semifinais dos 800 metros en Toquio tras conseguir a mellor marca da proba para un español na historia dos Xogos Olímpicos (1:45:30). Foto: Miguélez/RFEA
Alcoa propón un ano para resolver o problema enerxético e comprométese despois á venda directa da planta da Mariña
A ribeirense Ana Peleteiro entra na súa primeira final olímpica tras saltar 14,62 na clasificación de triplo salto e quedar segunda, só por tras da venezolana Yulimar Rojas. Con esta marca, ademais, Peleteiro bate o récord galego da especialidade. En lanzamento de peso, a mugardesa Belén Toimil non logrou a clasificación para a final. (Foto: Miguélez/RFEA)
O ex-ministro Jorge Fernández Díaz e toda a cúpula de Interior no primeiro Goberno do PP de Rajoy, procesados na operación Kitchen polo uso de fondos reservados para espiar a Luis Bárcenas, ex-tesoureiro do PP, e recuperar documentación comprometedora para o propio partido. O xuíz García Castellón exonera a cargos populares como Dolores de Cospedal e deixa á marxe a Rajoy.
A Xunta publica no DOG a modificación das restricións pola COVID que estarán en vigor dende a medianoite do venres ao sábado e que sitúan 60 concellos, entre eles as sete cidades, nos niveis máximo ou alto, que implican medidas como a esixencia de test negativo da COVID ou vacina para entrar en bares. As restricións aos encontros entre non conviventes seguen sen cambios, cando menos, ata o 7 de agosto.
A Xunta aproba o límite de gasto dos seus Orzamentos para 2022, 11.571 millóns de euros, o que supón 8 millóns de euros máis que os consignados nas contas deste 2020, pero 93 millóns menos que o teito de gasto fixado o pasado ano. Este é o límite para o gasto non financeiro -exclúe a débeda- e pode manterse nestes niveis, os maiores da autonomía, polas inxeccións de fondos estatais e europeos, que neste caso inclúen tamén o mes de recadación do IVE pendente dende 2017. É aprobado unha vez que o Estado fixou o seu no último Consello de Ministros.
A Xunta di que os descontos do 100% na viaxe de volta para familias numerosas nas dúas autoestradas autonómicas (AG-55 A Coruña-Carballo e AG-57 Vigo-Val Miñor), anunciados por Feijóo en 2019, estarán en vigor "a mediados de agosto" deste 2021. O Consello do Goberno galego aprobou este xoves un decreto coa medida e mais coa "extensión ás 24 horas posteriores á viaxe de ida do desconto do 25 % na volta, e do 50 % na segunda volta, aos usuarios recorrentes, que ata agora se aplicaba ás viaxes realizadas no mesmo día" e que rexe en días laborables. Para todas estas bonificacións cómpre dispoñer de telepeaxe. (Imaxe: CC BY-SA Xunta)
EPA | A poboación ocupada aumentou en Galicia en 16.900 persoas en Galicia durante o segundo trimestre do ano e queda en 1,08 millóns, 26.300 máis que hai un ano, segundo os resultados da Enquisa de Poboación Activa que veñen de facerse públicos. No mesmo período, a poboación en situación de desemprego diminuíu en 5.900 persoas, ata as 152.400, isto é, aínda 9.900 máis que doce meses antes.